san maha’ Sweyunsansing ga, Tinul, Camaputin ru Cawasiq. yani ku’ kai’ na’ Matu’uwal kahabag. Tinul ga yani capaang na’ ibabawiq nku’ Sweyunsansing. kii’ humaynas cu’ magalpu cu’ kabhul ru sapat cu’ kabhul kinibabawiq. tiku cinalxan nku’ ragiyax ka hani ga asing ku’ aqli’ ka kiya ’i’ matahunak. luhiluhi ru manata’ uwiy. mana’aring cku’ Cinkuwangsancuwang ini ga hakri’ na’ Sweyun mital cu’ raya’. magbatunux ru ibabawiq cubalay ku’ luhi nku’ Tinul. yani ku’ capaang ka magalaying ’i’ hiya’. ragiyax na’ Kalisan ga, matagkura’ cku’ makilux ku’ qinarux niya’ ru tayuk cku’ Tinul ru maqaquwag cku’ luliyung na’ Mayri’ la. siyag nku’ Tinul ka hani ga, mabukabuka ’i’ matagauqu’. masiluhi kahabag ku’ siyag nku’ Tinul ka hani. tayhuk su’ cku’ tangtung nku’ Tinul ru matagkura’ su’ mital cku’ makilux ga yani ku’ ragiyax na’ Siswesan la. kiya’ cu’ buwinah ku’ ralu’ niya’ maha’, ragiyax na’ Tungkuwasan ru Camaputing. kiya uwiy cu’ buwinah ku’ ralu’ niya’ maha’ ragiyax na’ Kaminosima. matagkura’ cku’ gihaq ga tatalan ku’ ragiyax na’ Cwasiq. tayhuk cku’ luliyung na’ Mayri’ ga, matagauqu’uqu’ ku’ cinaxan niya’ la.

ku’ Camaputing. kiya cku’ makilux nku’ luliyung na’ Mayri’ ku’ Camaputing. macackacka cku’ ragiyax na’ Tongsiswesan. kiya ku’ kai’ maha’ ragiyax na’ Tunkuwasan uwiy. matagkura’ cku’ gihak ru matagkura’ hayhay cku’ a’ubaqn na’ wagi’ ru gihak. balaiq ’i’ umangay ku’ ragiyax na’ Tinul, Cawasiq, Kalisan ru Haqanniysan. masiki’ runi ku’ luliyung na’ Mayri’ la ga masiuqu’uqu’ ku’ cinalxan la. siyagsiyag nku’ ragiyax ka hani ga masiluhiluhi cubalay. mana’aring cku’ luliyung na’ Mayri’ ru tumnga’ cku’ ragragiyax kahabag ga kicun ’i’ mital. gabiyan ga payux ku’ buliqu ka kiya cumiax. yani ku’ kiya manamananaq ka ralu’ maha’ Sweyunsansing. ngaquwaq nku’ Camaputing ga asi ga ngaquwaq nku’ quwali. yani ku’ san na’ Itaal ka minakya i’ runi.

kii’ humaynas cu’ magalpu cu’ kabhul ru tugal cu’ kabhul kinibabawiq ku’ Cawasiq. kiya cku’ raya’ na’ luliyung na’ Mayri’. ikihi ku’ cinaxan niya’ ru asi ga long cubalay. minkahul cku’ paka’tuan na’ wagi’ ru matagkura’ cku’ a’ubaqn na’ wagi’ ku’ cinaxan nku’ Cawasiq. kahi san naha’ maha’ Losan. san uwiy maha’ tinqalangan nku’ Cawasiq. tayhuk cku’ kaal ka hani ga capaang balaiq ’i’ angayan na’ itaal ku’ tugal ka ragiyax ka hani na.

水雲三星是指虎頭山、鳥嘴山和橫龍山，是汶水語的稱呼。虎頭山是當中最高1492公尺的山，山形似臥虎，為三星之首。登頂晀望南邊為洗水山（亦稱為冬瓜山）及鳥嘴山（亦稱上島山稜線），往北略見橫龍山。

鳥嘴山標高1437公尺，亦稱上島山，位於汶水溪南岸，與東洗水山相連，向北偏西北延伸，此面可眺望虎山、橫龍山、加里山和哈堪尼山。而鳥嘴山山形類似鷹嘴，形勢險峻，當地居民稱之鳥嘴山。