朗聲四起

nu izua a pazangazangal a sikudan i ’inaljan katua izua nakemasi tjaivavav a pacugan, auri sipakeljang tua ta’alja’aljan, tjara lemangedaitjen tua kemasi pangkungcu a paredjamadjama a pakuangpu. kupai langedau! langedau! ti sunciu a pakuangpungpu “lja sikata’aljan maljimalji nasuljivat itjen! tucu a ’adav izuaicu a saliman a kemasi tjaivavav, a pakinemenem tua ta’alja’aljan ta patjara parimasudj tua tja kinaizuanan a uma’. siayanga, tjaukapacalivat taicu a napalje’aca sa ’inudjaljan, madjulu samatjaveng a papizuanan ta zaljum, kaizuanan nua katjesa’etjuan na salapeljan katua za ’atjatjungalj. uljatjen a naki’eceng tua sa’etjuan a kemasisalapeljan; satje palimasudj tua namatjaveng a papizuanan ta zaljum, saka’ulip a sikaudaljan nua sakuyakuya nu’atjuvitjuvi.” ayaya.

kivada’ ti vuvu anemayaya? ’u pasenalavin taza sini’a’ivu nua kay ni sunciu. sa’u ljaluayin a temaucikel tua ’ukineljang a patjara(tengkedre). aicua(tengkedre) nuaya ljayar a sa’etjuan, nakemasi tua salapeljan a masepu a cawcau, inika manu puntalj a cawcau a sempu ta cawcau. aicua namaytucu sikasepusepu nua (tengkedre), mavana (aicipaneuen) kata (paisien paneuen) a masanemusalj nua salapeljanan. nakuya inika nakipapaulingav tua nu pusa’etjuan tua (tengkedre) a kinmusalj, tjara uri tjaselapayanga, sa palemek nusipacayanga. saka patjetucu nekanan nusikamenangua’ a kirimu a cemel, manasika a tjaljanangua’an azua semualap tuaicua katjesa’etjuan a kinasizuanan nua salapeljan, mavanu masasepusepu angaitjen. siayanga aza pinizua kata siniveric izua i salingaungaulj a tinaulaulan a papizuanan ta tatekelen, tjukutjuku, kapuwa, vakic, sisapasapay a tinmaku a mareka papizuanananga. madjulu sa matjaveng, kaizuanan nua katjesa’etjuan na salapeljan a ’atjatjungalj. ljengua’i sapalimasudi a tja kinaizuanan a maka tjuma’ a makasasav.

kemasitua “lemuiluv, cemaca, semenav, ljemisljis”, sasualapin a makatjuma’ a namatjaveng a papizuanan. nu izua masezam, sa’etju a ’ulu, sa’etju a ca’ev na maca, mangilu a papice’an, magulaca, tja pakirinuin a kipucemel! ulja makiluvad tua masasepu a paperazek tua (tengkedre), sa namapaljivak a tja suljivatan a ta’alja’aljan.

部落一早就會聽到來自村辦公處的廣播，在宣導登革熱防治。台灣傳播登革熱的病媒蚊主要為埃及斑蚊和白線斑蚊，已感染過登革熱的人若二次感染登革熱，將有較高的風險轉為重症，死亡風險也提高。清除孳生源的四大訣竅：巡、倒、清、刷。「巡」為定期巡可能積水的容器；「倒」則必須將積水倒掉；「清」目的是減少容器；「刷」目的為去除斑蚊蟲卵。

如果出現發燒、頭痛、後眼窩痛、肌肉關節痛、出疹等症狀應儘速至醫療院所或衛生所就醫。