朗聲四起

titjen a kacalisian, savid a nakemasimaza tua kadjunangan tua tja sikavaljut. a tjaucikel na tja sevalitan, uwi ’emaljupitjen tua tja sikavaljut, ljakua palisi a ljemeliav a kisacemel, manasika nakemasimilinganitjen a kacalisian a ’emalju’aljup, ljakua inikama’ulip’ulip a sacemel. namaya uta nu tjepana, semadrapuljitjen sakamaya, nu makatju’etju’ tja siberber a pasapanain, ulja malingac a ci’av sa makaya tja lapin, azua a namalaulj a ci’av a inika nasepalingac tua drapulj, kicemikel i pana angauta , saka azua i pana a zaljum kamayamayan a naljamecav, inika sikakuda.

aicu a patjara ’emaljup inikamanu madjuludjulu, izua namasanepidalj a sinitjaucikel a tja kakeljangan a tja kakituluan. a sangasangasan, nu anema a sacemel kipakim tua anema a kakanen, pay aza (lava) keman ta ngaingav na dja’as, ’aljinglud, sukang. aza (vavuy) keman ta namakelu a vangalj na ’azavay kata navelu kata na ljawzung a ’aljic. tjengelay a pakazua ta tjevetjeveng a tjatjan a murikakanen. aza (venan) keman ta’aljic na viljua’ tjengelay a pakazua ta kasikasiven. aza (’aya’ayam kata butj) keman ta tjavuvuk kata vangalj na ’auc. aza(takec) keman ta vangalj ta kaingaingav, tjengelay a pakazua ta ljaviyaviya kata izua zaljum. aza(sizi) keman ta ’asav kapaz, vaudj, cemel, tjengelay a pakazua ta djangdjangas tua cevaceva.

sika aicu a ’emaljup inika amin a su rakacan, kilaing sa pususu tua kaljatepesan; nukaljavevean i cengceng a maudjalj saka ludjuludjuanan a sacemel, kiljivakitjen tua katjenasian i kacawuan a sacemel! manasika inika magaljugalju a cinunan, napulingalingav tua sipaljakevan ta makagadu a sacemel katua pasusu tua sikudakudan nua ’emaljup.

狩獵不是簡單的事，要了解要學習的知識很多。首先要了解什麼動物喜歡什麼？如飛鼠喜歡吃九芎樹、楓香朴樹的嫩葉；水鹿喜歡吃山芙蓉樹皮；野鳥、松鼠喜歡吃野草莓青剛櫟果實；山羌喜歡懸崖周邊的樹葉，或是地上的蔓藤；白鼻心喜歡吃山枇杷和山棕之果實；山豬喜歡吃掉落的大葉楠果實、山芎蕉、山黃麻之樹皮、青芋。

除此之外，到了春季為幼獸生長期，為禁獵季節。獵人不是單靠勇猛，相關禁忌，狩獵知識，還需懂維持山林、動物的平衡。