朗聲四起

nu padjaljun ta sipulavayan na situ ta kaljazalangzangan, ta kaljaljaljeqelan, vaik amen a semaumaq a parimasudj tua nia umaq. tucu a cavilj uri pucekelj a niakaka nakivalj amen turi caucuay i yumaq. kaparimasumasudj aken i qaqerengan, ku djumaken a kavatjevatjes ni vuvu a puneljuqan tua nia sasin a sikakedriyanan, qinaciljay anan a nia umaq tuazua. sepaqenetjan aken ta kai ni vuvu ta kinitjucekeljan niamadju kati vuvu i tjivuluwan. izua sapay i ljaqediqedi ta niakaumaqan, papeqaung a ramaljemaljeng sitjuljar a pakitjuceklj tjai vuvu. avan nu izua anga a sanumaqan niamadju.

kapatagilj a semanumaq semapay anan ta kadjunangan tu namakudakuda a pasa tjaljiqacan sa ventjengav tu upuwan. nu makaventjengav kemali anga tu sidjeljep, sa cemukes ta situqulj ta kavulungan a sasuayan, avan anga azua cukes a tja sikeljang tu namakuda pasavavav a tja umaq, sa tja puceqeljaqeljapani a kitjavililj, sana tja djemeljep ta tjaiqayav i paljing, cemukes anan itjen uta ta pinaqaqecev a pipatjadrusa ta umaq. nu makadjeljep nu makapucukes, semangas ta sasuayan, sana puludeludani, sa mazuanga ta kavulungan, nu qemacuvung venalji anga sa qemaljiv, sivililj a puqezung a pupaljing. namasan umaq anga nu tja tjavangen a kemasisasav.

maljiyaljiyan a paulan nia vuvu ta kisasuyan, cadja tja pana sa cemaucau a penuljat aya! namapuljat a tjanuita i kubav a lami ta semanumaq tja vuvu. aza pakinrangez itjen sakamaya.

kaqemacuvung ta napazangal a saliman, pinumadrusan anga nia vuvu a qemacuvung. aza puqavuavuan, a zemaqetja, a semantjuljivar ta i pasazaya, a semanqerengan, a seman padrar ta papupairukan, kaseman padrar ti vuvu pinakeciyu a kinaqacan nimadju, aza namicaucauan aravac ti vuvu i tjivuluan, nu kilaingan a kinaqacan nimdju ika uri padjivic ti vuvu! patje tucu izuanan azua nia sasuayan a siniraljuv nakemasitjumaq tjai vuvu. kamumalj amen a semanumaq pinakitjaula pitjumaq, ku sikisuqauqaung tjai kina tjai kama tjai kaka aya timadju. izua garaljigalj uta vincikan ni vuvu i tjivuluwan, avan nu nia pinipulaulangan tucu!

整理vuvu的月桃百寶箱發現老照片。vuvu結婚時，建了一棟石板屋，蓋房子要整地丈量地基，砌牆須挖出壕溝下埋石牆，再把主柱立起來，為了主柱的功用，必須立副石柱、立前門石面牆，再將左右石柱立起。上樑是由下而上先放簷樑、兩條橫樑、最後才放主樑，放完樑柱才鋪石板屋頂、架門窗，那時蓋房子用掉整個穀倉的糧食。

屋內的陳設都是合力完成，拆老家時，外婆不許我們賣掉簷樑，想紀念家人的愛，有一件外公雕刻的長板椅，至今都放在客廳。