朗聲四起

nu tjemaucikel itjen tua patjara maljavar ta kisupasaliv izua tjakudan a kacalisiyan. ta sicuayan, izua namasan remasurasudj tua i qinaljan, padjaljedjalj ta marevetjvetjek na mamazangiljan kata kalingan saka namapaqaljay a ramaljemaljeng a maqati a tjulju vecekadan ta itjen a matjadrusa ta titjen taqaljaqaljan aicu a tjamadju a puvarung a caucau a paparangezan na mamazangiljan a kisan remasurasudj.

nu pakaljavar tua sitjukuya pakakaizuazuayin itjen a matjadrusa, tjamadju a namaresepasaliv a cemekemekeljan, a marekakaka tjauljen nua kalaingan a pakiqepu, kalingan a penenetj tu mainu tu nu ngida a maljavar. satje paljayangi a tjaikuya tu venavaw tu tjasikaqepuqepu. mavan a tja sinepasalivan a sikuletj tu tjanu pida a vavain, nu tjanuita a djupeneq kimaya maqati a masan mutjelu a kinaqacan. nu kudresul a pasaliv izua nu tjanu drusa tjanu tjelu a djupeneq a tja vavain. tja sinan pazangal aravac a vavaw, tja sipakalevaleva, tja sipucekeceklj, tja sipudjavadjavay, tja  sipaqaljaqaljay uta, pupacugan aravac a vavaw i paiwan zuku. inika penenetj a kidrimu ta sipakaljavar a zikang , mavan nu matekel anga a tja vinavaw pulingalingav anga itjen tu nungidanga a tja sikaqepuqepuan a qadaw.

nu paruarut tu izua tja pasaliv, maljavar itjen tu sitjukuya, nu kudresul a pasaliv qacang a tja sitavung, namaya ta nasi na caucau a kinapazangalan a qacang, tjaliyav a tja sikataqaljan a tjemekuya ta sauzaiyan kata vavaw. nu kemuletj ta pasaliv ika amin a sinepacevakan a pacunan, tja sikuletj auta a niasi na caucau, nu punasi a kemasi tjumaq anan a marevetjevetjek na mamazangiljan, kudresul a tja sitavung. ljawa kakudan nua vavuluvulungan, nu sepasaliv ta mamazangiljan nu neka nu sitjukuya sanvetjeken nu i tjumaq sa kisekaulj anga ta mamazangiljan. a ramaljemaljeng nu qivu nakuya kudresu itjen aravac, seman pazangal itjen sakamaya ta pazekatj ta zuma ta qaliqali, ika namakinemenem tu mecevucevung itjen nungidangida. nu namaka pazekatj itjen sipazekatj itjen nu titjen anga aya!

tucu anga izuanga a sinankakudan tua tja rivurivuan nua tja sihu, nu izua a namare sepacevacevak pakazua itjen i huing, pakagimeng anga itjen, izua tja sinciyu a tja daihihu a kisan rarasudjan tja nu itjen a taqaljaqaljan, ljakua nakuaya a ika kipaqenetjan tua tja sikudan a kacalisiyan, nu tja sikitevelj aravac ta pairang a tja kakudan mecemadja meqaliqali tjen a kirimu.

 

以往發生糾紛，頭目會透過「糾局」執行法令，執法單位由頭目家的老二及部落協調事務發言人Kalaingan負責公正的第三方。主要以雙方當事人及其家人、親友來參與，發言人決定談判地點。犯錯方要釀酒表示歉意，賠償金可用豬和任何一種鐵器作為賠償，會依其釀酒的熟成日決定。罰款原則以被得罪之人的身分高低決定，賠償以nasi來區別，若得罪頭目卻無法賠償，就會被收為佣人，終身侍奉得罪的家族，現在若有糾紛都在鄉公所或調解會談判。