朗聲四起

Qalang qani maki qutux minnanak calay na ngyaw, hiya qani ga plahang qalang, betunux katalan ngyaw qani, saying papak ru mtalah royiq nya, mlabu hi nya ru mhebung patas hi nya, uka yaya yaba ru mcwahi nya, hiya nanak mnwah qalang qani, ini baqi cquliq kahul inu? ana ga siyan nha calay hiya.

hmcwa cyu naha ssyan inlungan qa ngyaw qani? ngyaw qani cipaq ru mhikang, ana ga lokah cbalay qliyan ga m’abi babaw na toraku pswagi kya, gbyan lga garing tkbaq p’kiyap qolit.

Piyux calay qolit qalang qani, memaw mxan tunux qabax qalang, suqun nya tmyaqil qabax qeqaya, mwani lga ini ptnanq la, ini kngungu qolit qalang la, mhtux qolit lga suqun kmiyap na ngyaw, hiya nyan mlahang qalang qani.

Maki qutux ryax, qutux tyaba na qolit mwah qalang, ini nha pqasi qolit qani, tehok gbyan lga miyup cka na muyax suqun nya maniq qabax trakis ru ngahi la.

Te saying ryax lga baqun ngyaw ywaw qani lga tlqeng mna, mhngan lga nyan mwah mhtux msyam ru tyaba qa qolit la, stopaw qa ngyaw kyapun nya ru kmilun nya uyi, mnuqil qolit lga hluyun nyan beh libu ’byan nya, thwayun nya maniq, garin kya lga pqasun nha calay ngyaw qani.

Maki qutux ryax ini kaki qalang qa ngyaw la, ana khngyun ga ini lluy, nyan qenah piyux qolit qalang la, nanu mnkux qabax qalang maha phcwa ta la, ini kbsyaq lga, baq mnwah hkangi binah qalang qolit nniqun nyai, nyan mqbaq binah piyux calay na ngyaw alan nya rangi la.

社區有隻非常特別的小貓，是我們這個社區的「大明星」！

為什麼小貓是這個社區的大明星？這隻小貓看起來很瘦小，卻很厲害！白天小貓在車庫裡呼呼大睡，晚上就會進行「捕鼠絕計」。

社區老鼠很多，以前可把居民們害慘了，經常被弄的亂七八糟，現在就不一樣了，社區居民不用再怕老鼠，因為小貓是部落的守護者。

有一天，一隻又大又壯的老鼠在晚上偷偷溜進了居民們的家裡，神不知鬼不覺的把居民家裡的東西全都吃光了。

第二天晚上，小貓早已做好了捕鼠的準備，大老鼠一露面，小貓便立刻撲上去捉住它，並且用爪子把它抓死為止，然後便回到它自己的窩大飽一餐。

有一天，小貓不在社區裡面，怎麼找都找不到小貓，老鼠變得越來越多，大家正在煩惱該怎麼辦時，小貓帶著貓朋友一起出現了，原來小貓跑去另一個社區抓老鼠了，還結交了其他的貓朋友。

從此以後，居民們更加關心、更加喜歡這隻小貓，是社區的「大明星」！