朗聲四起

Kintayux su myugi mlaka qtayu, kintayux su minnanak patas na qtayu, betunux calay ktalan patas na qtayu, tehok ryax na tmanux abax ga musa hkangi boq na phpah ru niqun nya, piyux phpah qani lga masoq mssli mlaka qabax minnanak na qtayu msqun maniq, blaq calay ktalan.

Mgkumay na qtayu qani ga qmehul mrkyas, musa maniq pinmuya. Mqtayu hiya lga musa sbatu smi boq cka na phpah.

Kinbetunux na qtayu qani ga kahul pinhloq cnabu nya, ana r’utung qnxan nya, qutux qutux qtayu qani ga qniyat calay ru lokah mqyanux.

Trang mlaka te hlahuy ga ana qmayah ga blaq roq nya, memaw mtasaw cmyax gong nya, qulih uyi ga cmyax ktalan, kyabil cik cik mqwas, nyan msyaq yulung mkbway mtalah phpah, ana uying ga mlaka blaq insuna uyi.

betunux calay qa qpiray qani, ana ga kya nha qbaqun kumay ini gqtayu nga m’wi ru kzihung calay pin’yugan nya mwah mqtayu!

koka na Taywang qaqi ga cinllwan nha calay lalu nya zensekay mha muyax na qpiray qalang Taywang son nha, ulun su minnanak blaq kayan koka qani, ana mlamu na qpiray ga mwah sbatu cqani, ana kahul binah koka cquliq ga mwah mangay kenkyu ru psyasing.

蝴蝶舞姿優美、色彩繽紛，視為春天的使者，使周遭景色變得生動而美麗。牠們飛過田野時，彷彿喚醒大自然：泥土散發清香、魚兒探頭、燕子呢喃、花朵盛開、蜜蜂忙碌，充滿生機。然而蝴蝶誕生時並不美麗，幼年是毛毛蟲，常啃食農作物，被視為害蟲；但成蝶後卻能替花朵授粉，幫助植物結果，是農民的好幫手。

蝴蝶一生雖短暫，努力蛻變，展現耀眼姿態，臺灣被稱為「蝴蝶王國」，擁有豐富的蝴蝶種類與特有種，每年都吸引愛好者前來賞蝶。