朗聲四起

Smoya cu mqwas biru, qutux qutux ryax ga sbesan cu nya, hiya psbes kingan. Mqwas biru qani ga thoyay tmwang kinbaqan, nanu mica ana su knwan ga akya cu lokah tqbaq biru, ana ga iyat mu si stpawi lmpux biru qani, maha kya lga uka knbaq mu mqwas biru la.

Mqwas cu biru qani ga giwan rangi mu hiya, lokah cu tqbaq mqwas biru ga qenah piyux kinbaqan mu, garin laqi lga smoya cu mqwas biru la, ana cu shriq mqwas biru ga ini cu hngaw ktayux biru, mahani ktwa kinbaqan mu ga nanu siga lokah cu mqwas biru, ini cu klokah lga iyat mu thyayun qani.

garin ga si thuway mtama ru mnglung son nanu lmpux biru qani, qabax bnrwan hkuy biru qani, qenu blaq na ke ini ga thoyay muwah tmwang kinbaqan ga nmon matas mica ini knngi, blequn matas lga ini kzihung tkbaqan biru la.

Nanu mica lmnglung ta nanak maha, wan ta baqun lga, nanu calay nyan nya cngusun, maha ni ini ta kbaqi lga, akya ta minpiyux lmpux loyi, mha kya ga qenah piyux knbaq.

Pucing lga blequn miru qabax blaq na bnrwan, mwah thoyay tmwang kinbaqan ru blaq qnxan, kahul tinkbaqan uyi ga thoyay pngsa psbaq cquliq, mtnaq mrkyas kinbaqan cquliq ru ita uyi.

我愛讀書，書本是我的好友、最親密的夥伴，而養成每天讀書的習慣，更是獲得知識的最佳方法。知識的力量是無窮的，我們應養成每天讀書的習慣。但也不能盲目的讀書。首先，一定要先讓自己注意力集中，其次，根據所讀過內容，猜想作者在下一段會如何書寫與表達？再者，要經常問自己，讀懂了嗎？不清楚就再讀一次。最後，做筆記，寫出核心思想、體會和感受，能幫助我們理解、記憶和積累知識。