朗聲四起

qoyat qnxan su mwani, baqun su musa mha nanu mqyanux ga mwah mquyat qnxan su? baqun su maki inu qoyat su? Mtnaq qoyat qnxan ta? Lani pngsa cikay kmayan.

qoyat kinbliqan qani ga maki calay, smoya ta pnbaq hiya, qoyat qani ga yani hayi wagi, thoyay mwah tlhul inlungan pisan ryax na tmangux abax, yani hayi qsya na gong ana ksliq ga mtasaw.

qoyat qani ga yani hayi khoniq alan tsasaw ryax na ’bagan, baqun tbluku qmway qwalax, baqun tlqin ptqway ghiyaq qmisan uyi, qoyat qani ga yani hayi cka na yulung pqwax kya wagi, pisan na ghiyaq kayal ga mnbux kilux na ocya.

qoyat qani ga kahul pinnqas ru kin’wi ki s’ uwah msboq royiq, tmubul ta ghap ryax na tmangux abax, ryax na hoqan abax lga kmluh ta la. qoyat qani ga yani hayi cyo cyo qpiray mlaka. Qoyat qani ga mwah tlhul cmabu ita, yani hayi nyan snhuy kayal mwah maray ghiyaq, kahul mtasaw qsya muwah skblaq hi, pinscyax na knituh mwah pscyax ita.

qoyat qani ga rangi ta, trang nyan su mngililis ga coman nya royiq su, trang mhotaw inlungan ga mwah sinlokah isu. ana mu wagi qmwalax, qoyat qani ga sbesan su nyan ini shriq ita. qniyat ru lokah ga qoyat, mhotaw inlungan ki mtakuy ga qoyat uyi. Biqan ta nanak qutux pnilax ita, musa hmkangi qoyat qani. qoyat qani nyan maki te lingay bih ta, iyat qani qa tpcingan na qnxan ta, qniyat ta musa hmkangi ga nyan si kaki iyik na kakay ta qoyat qani.

pila qani ga thoyay mwah mblaq qnxan qutux muyax, qoyat hiya ga mwah skblaq inlungan, qoyat qani ga mwah maray gmalu ru mhway inlungan, ini ga ini kbsyaq qa qoyat qani.

你覺得幸福嗎？幸福無處不在。幸福像陽光讓心靈溫暖；像溪水讓情感保持純凈！幸福是炎日下的樹蔭，霏雨中的傘，寒冬中的暖爐，烏雲中露出的陽光，冷冽中的溫茶，慈祥的容顏。幸福溫暖著我們，是春雨帶來絲絲沁涼，是凈水解我們的渴，是星星照亮我們。

幸福是好朋友。在我們的身邊，不是人生的結果，是偶然的發現。幸福就在腳下，就在手上。幸福可以很簡單，是一句簡單的話語、一個溫暖的擁抱，或生活的每一瞬間。