朗聲四起

Maki qutux mhngan tbuyux cu mhkangi maki ryaniq piyux inlungun, uka rangi mu mwah smbes kingan, nyan si kpongan inlungan ghiyaq ru m’wiy, smoya maki cquliq muwah sinkilux inlungan.

Muwah cu cka qhoniq na hlahuy, ksuna cu mtasaw na insuna, ana inlungan wan si kusa wax ksliq, ptbux kinlhul cka na byaling wan si klhbaw hi, behuy mwah qmapah rqenas si klhbaw hi uyi, si cu cmaya maki cqani.

Ini kbsyaq lga mbinah cu mwah muyax la, ana ga thiyaq calay pinhkngyan mu la, ana ga nyan si giway tkyari kya, hay nyan ta tkarux la maha cu, mnkux inlungan ru mngungu ksliq. Sqqe cikay kayal lga lokah mlbil hi mu, yani hayi nyan si hap bqni tltu nya, ini kbsyaq lga pisan hayi wan ktayux ssaw na cquliq, mnkux ru mngungu cu, hmcwa cyu mu baqun ktayux hiya, ana lukus ru snonux ga nyan mlaka mtakuy, mnkux cu ru sm’ang cu maha ini misu knguy, garing kya lga wan si k’uka sasaw cquliq qaca la.

Ini kbsyaq lga uka yulung nya la ru blaq kayal la, nyan lu cinqenas mhtux qabax knituh ru byaling la, ru mhngaw behuy qqe nya la, ana ga baq cu nyan cqrux mhngaw glasu blihul muyax la, gmawah blihul yaya kmayan mha laqi uwah cka muyax, masoq cu phapuy rngilsumul la, wah maniq la, mqas cu calay mung ru msboq royiq la.

夜晚，獨自散步到樹林，享受新鮮空氣帶來的舒適。準備返回時，不管怎麼走都回到原地，愈想愈害怕。似乎看見人影，一陣風吹來又消失，他更加驚恐。陰森的樹林裡，影子像魔爪般伸向自己，月光也被烏雲遮住，伸手不見五指。他想呼喊卻發不出聲，只能拼命狂奔，一邊跑一邊祈求上帝幫助。就在體力將盡時，天色突然好轉，星月露出光亮，風停了下來。他發現自己已站在家門口。母親開門迎接，溫柔地說湯圓已煮好等他回來，讓他眼眶泛紅。