朗聲四起

cnlalau llyung Mnibu qani ga cnyan Tayal. qani ga cinpuqing llyung Girangken, nyan sqni qa pqwasn biru laqi Tayal, spgluw kki’an ta smi lalu pqwasan biru qani. calay puqing yaw san maha Mnibu qani ga pisan libu, pinaray kinlxan na kki’an.

tgaring na Gako Taytogo qani ga sgiwan qara cinbcyan na Sansey Gako, mimal qutux kawas spat byaling ga k’syx halan mqwas qa Qalang Roba kya. nanak qutux lhuyan, ini knpiyux hi mmwah mqwas, mimal cyygan kawas spat byaling ga skbalay syugan muyax halan mqwas bih qalang Banun, kya qbhul hi msyaw mmwah mqwas, skra gaga na kokumin Gako rmurux qutux go ga crxan qutux pqwasan llaqi, garing kya laga ps’urux pqwasan biru llaqi Tayal bih llyung Mnibu la. nanu mica ini glabang rroq qalang Banun kya ini qbaqi tmwang muyax pqwasn biru uyi, musa skbalay muyax Gako qalang Cinaw kya, ini knbisya ga wayal horun qsy, mmwah msbehuy ryax nasa.. knahul pquyu na Kensexu ro ryax nasa ga thriqun psryaniq na kisya, nyan mnglung maha skbalay ta gako siyux ryaniq toruy, musa mblaq. Baha mcwa ga qabax mmwah mqwas qani ga pisan llaqi knahul qalng Skikun, Pyanan ro qalang Lmwan qabax. ro musa skbalay muyax bih Tueisang qani, mimal qesux kawas saying byaling tgaring tmuyax, ptnaq kawas kya piyu byaling ga tmsuqan qabax knalay. Musa skran mqwas biru kya qabax llaqi Tayal, ski ryax coni qa pqwasan biru llaqi qalang Tayal cami qutux llyung Mnibu qani.

mrhuw qa Watan Silan qni ga htgan nya blaq na sinngusan, tliqan nya rmuru tqbaqan na gaga Tayal, tgaring qbhul kawas tiyu byaling mpuw cyugal ryax nasa, ski qutux kawas pnbaq rmurux, qbhul ro spat kawas spat byaling tiyul qutux ryax nasa calay ps’urax cinlaman tqbaqan gaga  ki qnxan Tayal bih llyung Mnibu qan la. cnlalu nya ga “Llaqi na llyung Mnibu ta Tayal” bih Taytogo. Qani hiya ga te qutux na pqwasan biru gaga Tayal bih qabax Tayan ni cinbwanan Taywan qani.

qabax tqbaqan llaqi qani ga skaran magal kilgan tqbaqab naha , pisangaga qmayah, gaga na pinsqunan, gaga na cinun kneril, gaga na qmalup, gaga na rrgyax, pnyawan na qba, mllamu na tqbaqan. nway qabax tqbaqan Tayal qani ga huyay s’urux sinrxan na qabax laqi Tayal.

胡文聰校長（Watan Silan）於107年6月13日提出實驗教育計畫，經一年籌備，大同國中正式改名為「宜蘭縣Llaqi na llyung Mnibu ta Tayal民族實驗國中」，為全國首所國中階段原住民族實驗學校 。

課程源自泰雅文化，涵蓋燒墾、婚姻、編織、山林、Gaga等，目標培育「真正泰雅人」(Tayal balay) 。