qutux laqi mlikuy qa cquliq Yuray, kya hayi mpux kawas nya. ini kbaq gaga na linpgan, piyux calay gaga cinlaman nya tqbaq, s’garing nya mlawa snsiy mwah sbaq, ski gaga na sp’byun nya, ana nanu na gaga pntyawan ga wayal nya slamam la, ana ga ini kbaqiy tmwang pnbaq nya gaga linpgan qani, mucing nya ga ,rayon nya spqwas biru Gako cin’rxan na Kyokay Tensikyo kya.

laqi mlikuy qasa ga qniyat calay tkbaq yaw na linpgan qani, ana babaw ro iyik haray qani ga s’unan biru na linpgan, knbisya maki ’pa ro haran nniqan kya. helax calay kaniq nya kgabi , ro mbinah musa ’pa nya loyi, katan nya blihuy, buyan nya slpuw loyi eta m’abi gbyan, maha kya krryax qutux qutux ryax, sta htux biru talam nya pcpngan gaga linpgan qani te qutux pqwasan qani, sgawah nya biru cpngan, cnyan nya babaw haray nniqan kya, knhelax miyup ’byan nya kya loyi. yaya nya pktayux biru cpngan qani. talagay, kbaq blaq calay tkbaqan nya cpung gaga lingan qani , “A” talah na cpngan nagal nya.

mqas calay yaba yaya nya miyup hngawan laqi nya mlikuy kya. nyan spqas yaw na laqi nya. calay wayal tmwang mblaq tkbaqan nya. kyalun ni yaba nya hiya, hmcwa blaq tkbaqan su gaga linpgan qani, knahul yaw na Syuni. Iyat maha ppiyuy nya tunux nya laqi qani, spaqut yaba nya loyi maha, iyat ga qutux hu ro qutux hi tmwang psbaq nanu wayal blaq. Ana ga laqi smyuk maha iyat ay. paqut yaba nya loyi ini ga yaw na bbiru qani, iyat ga blaq pinlawa nya snsi qani. Smyuk laqi qani maha iyat ay. mucing nya kmayal laqi mlikuy qani, garing cu miyik gako qani ga ktalan mu syasing Kiristo Yesu nyan pkatan babaw Zyuzika kya laga, mnglung cu ana na nu ptywan ga si ga htgan balay na inlungan mtiyaw.

maki qutux cquliq spiyun nya Yesu msqun naha mhkangi bnaqi siyux tyaba bcilung kya, ktalan ga nanak qutux kilgan rapal nya. Pqutan nya Yesu maha cwa maha kya, smyuk qa Yesu maha, nyan misu gbwan, nanu mica nanak qutux kilgan na cinrapal nyan su ktalan.

saying pqy’wan qani ga nyan shelax lungan, ana nanu yaw ga pqnyatun mtiyaw, ana stnaq mllamu sinrwiyan ga maki pin’aray blaq na pinqnyatan, sptnaq ta kin’wiy ga stama Utux kayal, srxiy snhyan, ana mwah kin’wiy ga Utux mwah p’aray ita, biqan ta nya qoyat nya.

分享二則故事。

一個男孩數學很不好，他的父母無所不用其極，都無法使數學好起來。最後，他們將他轉學到一個私立的天主教學校。

那男孩努力用功。這樣的模式一直持續到第一學期結束，男孩的數學成績得到A。

他母親和父親問男孩許多成績提升的原因，但男孩都說不是。最後，男孩說：「當我第一天走進前門，看到一個人被釘在加號上面，我就知道他們是玩真的了。」

有一個人夢見他和耶穌在海邊散步。他注意到沙灘上的腳印，他問主：「為甚麼每次在我最需要你的時候，你卻不在？」耶穌慈祥地回答：「孩子！你所見到只有一行的腳印時，那是我抱著你走啊！」

這兩則故事提醒我們：要竭盡心力、認真的學習每件事。當我們被苦難壓得太重，可尋求信仰的依靠，會帶幫來幫助與力量。