朗聲四起

qalang Skikun hiya ga rramat qa mnanak na pnmiyan na qalang, blaq suna ro kinbetux na kki’an nya uyi, maki pitung b’bu rgyax, maki utux qparung, tgliq ro gong siyuw, blaq lungan qabax Tayal, maki ’pa halan pk’syuw uyi. manna yaw na hngawan cqani. Lanay cimu pquyu.   

miyuk cimu qalang iyik ga maki qutux hngawan k’sugan, uka cquliq in baq, pusan kawas rma maki la, cqani ga hngawan Skikun san maha cnlalau. maki calay yaw hkngyan nya. muyax qaca ga muyux ni Busang Masing. rayx nasa ga mrkyas ciyal kya tiyul spat kawas shriq qalng ro musa mtiyaw qalang b’nux kya, pnbaq nya qutux krakis, hiya ga cquliq na Bunun, lalu nya huya ga Metal Suqluman, hiya nya klahang hngawan qani. garing krakis laga mqssliq lungan ki Busang, mucing nya msqun ro skbalay muyax naha nanak, msqutux pintyawan ro hkngyan naha, m’uwiy ps’urux rmurux hngawan k’syugan qani. musa cimu miyik halan hngaw qa muyax naha ga, knpiyux calay syasing cyungan nya tpahan qlcing qnryang kya, wayal naha mbhkux cnbyan ’pa haling m’abi, trhwanan ccalay naha. musa helaw mnglung maha ima qa knalay muyax qani, kbaq knalay na yaba ni Metal Suqluman, ryax nasa kya spat pgal kawas iyat kinqeri calay knalay tyaba kwas qani. skahul nya gaga kbalay muyax Nipun qani ro kinblayan qba nya, innaray nya saying slibang royama nya mmwah krax kbalay, knitan su maha muyax ga ini cni kigi, s’agal nya qaya masing ro tucing sbling ro mubuy llwax , ro pccwak nya qhuniq cnra’an, thkan nya masuq kbalay muyax, baq calay kinlayan qba nya. talang muyax qani ga ana m’ima pktayux ga trhwanun naha calay, halay ta pktayux muyax qasa knalay mlikuy calay. musa su maki mnanak na qsliqan mnglung, phkngyaw tam aha nanu mnna uwah ta mhngaw kya, ppungay ta blaq na yaw pnquyux mrhuw muyax qasa.

binah qutux pksygan hngaw hiya ga nya ps’rxan babaw btunux qyacing kya. kmayal pplahng muyax maha, rema mnaki cqani btunux, kyaqa bkan ro khuyuy musa thriq qabax cnpuqing rroq llingan na muyax uyi. baq mnglung pplahang ro si naha klayiy babaw btunux qyacing kya muyax la ana ima ktayux ga pasi cmyax qabax royiq nah, qhuniq qparung qabax knlayan naha muyax qani. blaq suqan smokan. maki ryax cimu ga wahiy tmalam mhngaw. Kmayal pplahang qani maha si cami cnlalau maha “Tlami” muyax halan pk’syux qani la. blaq na halan hngaw qani ga halay ta s’hngaw uyi.

「四季民宿」經營二十多年，由泰雅族主人廖清讚與布農族妻子全阿玉經營。民宿由八十歲高齡的女主人父親全清根，憑藉日治時期木匠經驗，帶領家人興建 。建築過程完全不使用釘子，展現了傳統精湛工藝與深厚的家族合作精神 。

第二間民宿建於大盤石上，主人為免破壞環境，反將巨石變地基 。這棟充滿紅檜、杉木香氣的獨特木屋，讓人驚豔。主人取名「Tlami」民宿，意為「試住看看」，邀請大家體驗這彷彿天堂般的特別住宿。