朗聲四起

ta tjaisangas a qiljas, naseljavak a’en a lemingdjelj ta ljaljizavan tua sinaqetj a sauzayan i tusukuan. masanlialiav a pinitua mapacucun a sinantjiyukui. tja pacunai! aicu a namaqacuvung a ravaravain na uqaljai na vavayan a pinaiwanan a lalang. samiling aravac! izua auta valji ’ata qaciljai a vincikan, izua dredretan kata matjak a djilung, aza turivecan a namapa’aizua, savid a sicuacuayan, natemalidu aravac!

azua sinipukeljang a vecik pinatjatjuljivar a pinaiwanan kata tjiniyukukuan , kumalji a pairang a kacalisiyan madjulu a kisun semupu tua sinivecik. sasu ’eljang tu anema azua, tu uri sikuda azua. nanguwaq auta su pasasingan sasu ljenguwaqi apacun a semupu. kemasi tua vecik a sisusu, pusaladj a ljemkac papucaquan tjanuitjen. nanguwaq a tjasepi a taqaljaqaljan tua kinipusaliman a namaytucu, napenakaleva aravac!

kemeljang itjen, tapuluq sa kaizuanga a cavilj tua sinipenetj natjaivavav a tja inalap a lumace, tu namasan kanitjenanga a vecik. ikanga saurimaqulip, izuazuanga sakamaya tja pacucunan a kakituluan na tjaivilivililj.

taicu a kuljinizavan a tjaljamakeljangan, ’avan a vincikan a valjiqas a kasiv tu lima a tjaljtjaljan a pasavavav. pai kukasivavavav a semusu tjanuitjen, aicua ita masan limalj a vincikan malivu, kamasadip a malivu a qinaljan, natemuqulj tua lami navenacaq tua turivecan nasemevalj ta kakedriyan; aza vincikan ita masansimatjelj paukukuz a mazazangiljan, izua tjiuma naqemalu ta vutjulj kata drema’iyaiyan. aza vincikan ita masantjelulj kakaqepuan, namasivuluq tjakit a rakac maqepuqepu ikaljuvuljuvung ta djaljarap; aza ita masanmusalj a vincikan masalut, maisuisu qemavai a vavayavayan, qemaljuqaljup a uqaljaqaljai. aza itatekutekuan a vincikan cemevelj, ta kaljadripungan kinaumaljan atja sikudan, tjaulan anga a sitjaisangasan nucemevelj kuculjen a pitjumaq, patagiljen a lemukulj a pasacaceveljan a namacai. kavan tjasikeljang a sikudakudan na tjasevalitan.

tucu izuanga(liningdjelj a penetj tua tjakai) na sihu, patagiljanga a pitua kungun tua patadjaljdjalj a vencik tua pinaiwanan, tjakipaqenetjai a sitjayisangasan a caquan, satje kasalui tu valjutanga atja kai, ayata izuanga namasan nitjen anga a vecik!

鄉文物館的展示分成服飾、器皿、雕刻，使用雙語文字的並列，透過手機平台的功能傳承文化。五層紅檜木雕是館內的亮點，最高層是部落遷村史；第四層是頭目嫁女兒；第三層是聚會場；第二層是收穫祭；最底層是族人的出殯儀式。

推動原住民語文字化，能將族語表現於文學創作上，達到原住民族語復振與發揚民族語言文化的效果。現在政府的公文傳遞也有族語，要好好的學習活化我們的語言與文化。