Sacecay sa kako a maro misi’ayaw to eto i herek no lahok, pasisasinga ran han minengneng ko papotal, tarepes a macidal ko romi’ad, kafana’an co wa ko hahalafin kona hatiniay a ’orad. Tada maolah kako to hatiniay a romi ’ad, nawhan, herek to nama’orad i, siemel ko fali, feriw han no fali ko laway sanga’ay sa ko harateng, awaay ko kihar a mihafhaf tona kasiemel no fali, pa deng han ko wikidan a misarocod mira’oy tona awaay ko rarawraw a mate ngil.

O ’orip no aniniay a siyakay, ’a’ide’ides sa to tayal to sakacaaw ka waha kelid nona siyakay, polong no kahirahira no tamdaw, saheto o caloh ko hana nay a milaheci to polong no kalotayal, ano kako to hatiraay to, pacerem mi kalic to sitosiya tayra kongkoan, miki’ayaw to kadadicodico no ’alomanay i sitosiya, sapicedengan to ’awas a pahanhan, matalaw matakop no kaikoray a tamdaw. Kaki’aya’ayaw sa a malalepelepel ko ’awas to romi’ami’ad, mahe cad o paperok no makeroay ko kalalepelepel no ’awas to romi’ami’ad, da’at sato kako, awaay to ko pihodiyakan a pasasela’ tona kalalepelepel no ’awas to romi’ami’ad, tada karorayan to.

Ano sowalen koni o halikiay hananay i, o kahapinangan to nika tadama maan no ’icel a tala’ayaw han? 

O nian sa o macedengay i, awaay ko mira a kanga’ayan saw? O tatararikorikor aca komira han? Cowa ka hatira, tengilen no mita ko paratohay i tilifi, sowal sa tonian a papilohay a masatongerohay a loma’, oninian faelohay mipatirengan a masatongerohay loma’, cowaho ka ’alafin namipatireng, mapiloh to sako sowal no paratohay i tilifi, onian nali kayay a mapeleng a mipatirengan to masatongerohay loma’ i, saheto o mi calohan a misakaliki ko pipatireng saan. Hakowaay ko laloma’an to mahade fekay a mapatay tonian a misakalikian ko tayal saw? Cowa ka piharateng to ’orip no tamdaw, deng o caloh to sakanarikayaw a malaheci ko hahahay a misakaliki to tayal, awaay ko pina’on a matayal.

Oni o macedengay ko tayal i, cowa ko nika toka, konika ’isang a mi’ida pakonahira to tayal. O macedengay i, o misarocoday mina’onay a misongila’ misakapah to tayal, sa cedeng sa a mina’on to tayal. Ano awaay ko mina’onay a faloco’ i, cowa ko mamatinako ira ko mihadidiay ato so’elinay a olah, cowa ko mamafana’ to masasiolaolahay a faloco’. Ano na’on sa ko faloco’ a misarocod i, adi:hay ko maharatengay to kanga’ayan, makapah a masongila’ ko mitayalan.

午後獨自一人坐在書桌前，看著窗外下著毛毛細雨，雨後空氣中瀰漫著清新的味道，讓人心曠神怡。難得如此悠閒，關掉手機，享受這片刻寧靜時光。

生活在競爭激烈的社會裡，為了求新求變不被淘汰，所有人都用「快」來解決一切，「快」已成了萬靈丹。我也是如此，每天匆忙上學，不敢停下腳步，整天被腳步驅趕著的節奏，讓我快喘不過氣來。

雖說「快」是前進的動力，進步的表徵，難道「慢」就一無是處嗎？其實不盡然，我們看每次大樓工程坍塌的工安事故，那件不是因貪快趕工造成。這些攸關生命安全的事，都跟急、快、忙息息相關，不得不慎。

「慢」涵意不是消極，不是推拖、放任，更不是懈怠，而是穩中求勝，勝中求美，追求真善美的境界。一個人的心中缺少「慢」的元素，就無法體認堅持和忍耐的真諦，更無法去瞭解包容與寬恕。慢下來，可以讓我們看得更高、更遠；靜下來，讓我們想得更周詳、更縝密。