朗聲四起

aṟat minkasapit ka nabkis ta rali’ hiya, kani ka panyaba’ ci apaṟ lu kahmaṟ ka kuṟahil na apaṟ tinlaman naha maskakiy nanahi’, moka’ sun kuṟahil na apaṟ hani ga, ana kulkah ci yona uṟati’, aṟat uṟi ga, bita’an na baṟi’ ga, ini nak ka’ilis uṟi, bini’ itan amutux kinramasan caṟung na sapit kani wa, ini’ mahmut mahiri’ nanu’ nak masputing ka kinnanuxan ta.

yaya mu ga,mahyuw la linlungan ni, kunramas ci ci’uli’ uṟi, saringun mu yuyuk matox ga, aṟat minkakasang ci ci’uli’ ana cami’ ule’ ga, aṟat minni’ kinsangun ana minutux, maguṟuw ka insa’ min hang ga, satu’en min ni na ke’, ini’ hiri’ci linlungan min, kani ga, kelan caṟung na aysin ka hiya.

yaba’ cu haṟi’ ci kaca la, ba’ haṟi’ ci kisli’ la, si’ingkux mu matox ka apaṟ ni yaya mu, moka uṟuk na papak laha ci kakamil ni ga, ini’ pintana’ ci ci’uli, maciras lu yona aysin ka hiyan. ana cu unkuri’ happṟow sunkawi’ ci papak na ci’uli’ ga, ini’ cu ulu’ ci yoni papak ni yaya mu.maku’ munak ini huṟa’i’ lunlung? hunco’ ka yona kani ka papak ni yaya mu ay? mukung. lunlung cu nak ga, sa’asun mu nak matox, i, hala kelan na aysin caṟung ka yaya mu, kani ka be’en ci aysin papak na amutux mu kung.

talagay pintabukan ka insa’ ni yaya mu wa, mamaku’ nak mangihuṟ ka linlungan mung ci insa’ ni.

老人家從來沒有穿過鞋子，每人都有一雙奇大無比的腳ㄚ子、厚厚的角質層，角質層形成保護屏障，被小石子或被小刺刺到，也傷害不了。這是上天給我們每一個篳路藍縷的先人們最好的禮物。這雙腳陪伴我們到彩虹那端。

媽媽的右腳大拇指有別於一般人，因為連指甲都是愛心的形狀。原來是掏金的 一次意外讓她受傷，上天送她一個愛心腳。母親輕描淡寫著甘苦的過往，讓我鼻酸，我相信，母親這愛心姆指當之無愧，在女兒的是視角裡，確定，無誤。