朗聲四起

wal makinbabuti’ muloṟak nanahi’ ka yaba ni’ Pawan ma,huṟil ni ka sunsul hiyan, palamoh ci a’ubinah ni ka tanmoṟow ni...

maktugal bangi’ ka a’ubinah moṟow in kinlalayan, mahukil paslahbuw mana’ ka kanel ni, non ci makpaṟat rex, nanu’ makṟamagal rex laga,nanak huṟil ni ka nel mubinah moṟow la, ana’ non ci a’ubinah ka yaba’ ni Pawan, ini’ tehuk moṟow ka hiya la. huṟil ni ka nel pasal mati’uṟit ci ka pinmugan, as kaba’ matox ka nanabkis. huṟil ni nak ka maras ci tanmoṟow nanuw cika kintakuṟan ni la, lon naha ka yaba’ ni Pawan hani maga, rima nak masputing ka kisli’ ni la, as naha nak abli’ ci ka kintakuṟan ni, i, bisani’ ka panoh tanux maras ci amutux ka sun ita Itaṟal hiya ma.

panaṟit ka nabkis rali’ maga, huṟi hiya ga, makbaba’ ci insa’ na ita ci’uli. yona kelan ka ci’uli’ wahan pastana’ na lakwaṟal ma ga,pasal matox ci amutu ka laha, tehux malahngan la ga, kumuw mangis tanux na moṟow ka huṟil la, as kaba’ ka nabkis, minlu’ mahmut kumuw ka huṟi’,ungat ka wahan pastana’ na amutux, bisani’ kaca’, as ki ka pakarun ka huṟil haca ma.

amol ka kisli’ caṟung na mapulata’ na huṟil hani ga, ba’ makinpung ci tatu’ na mapulata’ lu, happṟow pari’ ci cinbun na mapakakiy nanahi’ uṟi’ ma, wasti’ ka hahalan naha maakakiy, laha ka malahang ci tu’uy pabinahun. hunco’ ba’ ci babinahan ka sun huṟil hiya, ini kaba’ matox ci tu’uy uṟi, kuba’ nak ga, huṟil hiya ma ga, aṟat amol ka sipakegal ni malahan ci tu’uy, muke’ matabus innanohan hang i maskakiy nanu’ nanahi’, mubinah la ga, gunluw ci sinkanaxan na babus mubinah, babus naha ka cugusun ni ci papubinah na tu’uy ma, nel be’en ci kinramas caṟung tangahen na amutux ka laha. ye kani ka galan ci tanmoṟow matox naka mapulata’ ong. ana’ mapakani’ ga, bali’un naha surama’ ci nane’en uṟi, amol ka ni’un na utux moṟow, mintana’ ka nani’un naha uṟi. kani ka happṟow sunsul nak lu palibuw ci mapulata’ ka linlungan naha, nanu’ nak masputing ga, ini mahmut magiy ka sun huṟi hani.

三天是Pawan父親例行的歸期，只是只見的狗回來再也盼不到Pawan的父親回到家裡。狗，引著家人到達主人失足的地方時，主人已沒有氣息，泰雅族的規範裡，只能將Pawan的父親就地掩埋，客死異地無法帶回家，是一大禁忌。老人家對於有靈性的狗是非常尊重，狗會像未卜先知一樣，不斷哀嚎，老人家只要聽到淒厲的哀號聲，大家就知道有人將要起程了。

狗是獵人最忠實的好朋友，直到終了牠們仍對主人不離不棄。