朗聲四起

Ya romi’ad, mitaelif koya tafalahan a paliding, matengil ko yiw! yiw sanay a ngiha, aya o ma’irangay a waco, misamsaman no wawa a waco, milalingay to adada no oo’ nira, sini’ada ko faloco’ panokayen ako tayra i loma’, panganganen ako kora waco ciHappy.

Talacowa ko rakat ako talacowaay ciHappy, malacafay kami tayra omah mitoor to wina wama a maomah, tayra mi’adop i tokos, mikapkap to foting ato ’afar i ’alo…, talacowacowa kako mitooray to ciHappy, malecad o adingo ako ko mira, ano mafotifoti’ i malacafayay to kami, hato o salikaka no mako.

I sakaenem no kongkoan ako a mitilid i kosiyaw, sakapito folad no laloodan, tadafaedetay ko romi’ad itiya, malatahidahidang kami ka^emangay midangoy tayra i riyal, i lawac no riyal ciHappy a misalama, sa no fotifotingay kami a micelem midangoy, aciya ko menac niyam…, “ Pa’orip! pa’orip! pa’oripen kako! ” sako matengilay a ngiha, nengneng han i raay no riyal, ma’alolay mama’emek ciDiway, sahacikay sa kako midangoy miraod ciDiwayan, kaorira, cakafilo ako pa’icel tamiyanan, matengteng niDiway kako talaeno sa no riyal ma’emek kami tatosa, aya o patay to koni sako ’angi i harateng, “ Aw! aw! aw! ” sa matengil ko ngiha niHappy iraay, ’aloman to ko malitengay a pa’orip tamiyanan, sanga’ay sa ko faloco’ mapa’orip to kami tatosa, hatini sanay ko kalaolaolah niyam malawidawidang.

Tadao:lah no paro no loma’ niyam ciHappy, mangalef ko wina ako, pakaenen nira to ’okak ato titi, sano tamdaw han nira a midipot, mararid awa kami i loma’ mitilid, mimatayal i, ciHappy ko cafay no wina, ano ira ko kahemekan kalipahakan anca o karorayan no faloco’ no mira i, pasadak han nira a pasowal ciHappy, hato ma:fana’ay mitengil ciHappy, pamecek sa ko mata niHappy a minengneng, sa’iwa’iwa’iw sa to wikol a pacako, o kafokifokil aca nira a caciyaw.

O paro to no loma’ niyam ciHappy, anini cato katalekaw ciHappy, malitengay to , o kami to ko midipot to miraan, o paro no loma’ niyam ciHappy, tahadaoc ko pidipot to kalaolah niyam.

有一天，無意間聽到流浪狗的哀嚎聲，才發現原來是一隻小狗被附近的小孩欺負，不忍心的將牠帶回家，名叫Happy。

不管我去哪裡Happy總是跟著我到處晃，稻田裡幫爸媽工作或是去上山打獵溪河摸魚蝦，就連睡覺也一起睡；我們形影不離就像兄弟一樣。

在國小六年級酷暑的七月，我們一群孩子到海邊游泳，Happy在岸邊遊玩，哇！我們在海上玩得很瘋。救命啊！救命啊！聽到Diway喊救命，我奮不顧身去救他，沒想到我也被他拖下沉了，突然聽到汪！汪！汪！的聲音，好多大人也來救起了我們，從此我們更相親相愛了。

家人非常疼愛Happy就像家人一樣，尤其是媽媽，我們不在家時，Happy陪伴媽媽，牠可以聽心裡面的事，不管是難過的、開心的、有趣的都可以和牠分享，雖然牠只會靜靜的聽著，有時專注眼神看著你搖起尾巴擺動耳朵，彷彿聽懂你的話，只是牠不會說話罷了！

Happy牠漸漸老了，他是我們的家人，我們會一直愛牠照顧牠，直到永遠。