aicua kaljualaq liaw a sikudan, tinquljan na cacagalj kata kumakuma, namasan umq niamadju, namasan turivecan niamadju. a tja secevungan, palemek tu i gidigidi ta djeljep, i putuputung ta ljivek, i vavaw tua ricing,i zaleman tua supung, i tjaiteku tua qaljiw, na kipakelay ta sialangan i tjumaq, i pasa liljililjing…. malaying a kinaizuanan a seman kaljualjualaq tua uri sekelay a mareka miperperper a quljipupu, a kalabiabi , a quljicacingelaw a qaivaveng a qayaqayam, kata qatjuvitjuvi. samatazuazua a masepesepelj ika semekez, ika pu vengin pu mauqadav a seman kaljualaq. nu sisekez metad a kaljualaq, pazangal anga  segetjer a uri san kakanen nimadju. pai nu neka a kanen, uri selapay timadju! sika setangal iten tua setukezan nimadju!

pai inika amin  azua tja sini patjanema kasauni, izua uta a salapeljan, a lalangaw, madjulu itjen a pacun tua na sedjekec a pangac, a tjainan, a sasiq. saka timadju na kiqilja a puraung, na kitjakaray i tua patekuteku ta kaljaulaq nimadju. saka ika malavut angata aza nu secelcel nu ljiadudut a miperper, madjameq saka sedjekec anga sakamaya tua kaljualaq. sika liaw a qalja ni madju macaqu a qemeci tua uri kanen nimadju.

izua ka makatalj, ika na makinemenem, sedjumak aen taza cacagalj a seman kaljualjualaq, manu pangetezan nua vali, sa sivali aza tjauka qacuvung a kaljualaq sa kaceperak. ka pacun aen, aicu tjara masudram sa patjavat ayaen, manu ika maumalj a varung. mumalj uta a seman kaljualaq. ki semanpidapidalj a mumalj, inika semekez. nekangata a supilan setjaqem itjen tua na maka kiqadilj! aicu a maka cemecemel a maka vavua a djalan a cacalivatan nua caucau, mavanu tja sikeljakeljang tu cinalivatan tu ini, nu kamayan a namaljenguaq a kaljualaq, tjara neka nan a napasamaza pacacikel a caucau. saka aza uri kipakikim tjara vaik a cemikel.

nu secevungitjen tua maru cinpu a kaljualaq, a namarasudj a kinavecikan a namalitjuku a kinipakelayan, malingac iten nu pacun itjen, tua caquan a kinasengeseng! ljaki kinuda saka makaya mamamaw a cinuris a inalang, ana macacurucuru a pasa vavaw a pasa teku, apasa kinivalidian a penalingulj, na mapapamapamaw.  matu sinialap ta pakeciu ta inpic a zinugan, maljian tu maljian. na semamalji a ngata!

蜘蛛勤快織網，耐心捕獵。它們能巧妙地用網捕獲飛蛾、蝴蝶、蜻蜓、金龜子、小鳥、毛毛蟲等……。而蜘蛛的網一天就會變得乾燥，根本粘不住任何蟲子。

蜘蛛的網是蜘蛛的家，也是捕捉食物的工具。像蚊子、蒼蠅、蜜蜂、螞蟻很容易陷入蜘蛛網裡，只要黏住就無法逃脫！

有次發現一隻蜘蛛在織網，一陣風吹過，剛織好的網被風吹破了，我以為會離開。但是蜘蛛還繼續織它的網，反覆了數次，鍥而不捨。