朗聲四起

kemasikakedrian aen, izua za masanitalj a kinasaljinga sepi katua vinarungan. na kemalava ta tjuruvu a u salasaladj, na masi saceqaljan a sidjekuacan, nu na semekez a qadaw vaivaik a pacaikel, pacun tua iga, maqepuqepu a maljaljikayan. venarung aen a pucidilj aku sadjelung aravac a u sidjekuacan? aku na paka maluljay aen? manu a u sepiyan katua i kacauan na maretimalj a drusa kinacaunan.

u si iculeq a kinemenem, a sinsi papintjus a pakasilikuz a qemaqivu ta ngadan, “ Sakinu! aku na seljevang sun? ”

kemeljang a sinsi tua u kininemneman, aya maitucu, “ a kemedreng a temakesi paqulid angata! ljakua,tja kasaiguin a paqaqaruqarut a tja sikudan, kemeljang itjen tu marekaleva katua tja salasaladj. a lemaing tua kininemeneman, izua tja sipiliqan a djalan, namayatua na sekaulaw ta djalan a sizi, piniteval sakamaya picul a pucidilj.

kemedreng aen a temakesi, nua ita sisekezan a qadaw, ikaen a semekez a kisupu tua sapitj, sa kicaquan tua inamirikan katua drinipungan a kay. na masalu aravac aen tu na masan liyaw a tja kinitulu tjara mazulju anga tja kinljangan. cemalivalivat a qadaw, a u sikudan katua kinaizanan, na masabu anga tua u kinisupuan anga sapitj, a! izua nga lja u kininemenemn a u vinarungan. a ljemizaw tua djeljeseljesem a kalevelevan kata vuteqiteqilj a qerepus, vaik amen a pacacikel, kata u salasaladj a kemuljau tua vurasi sema kavuavuan, cemapa tua vutjulj. avancu a kina saljinga nua kakediadrian a pacugan. tjakuday! amin nu u kina tjenglayan sakamaya.

uri u laingen a u kininemeneman, a u sepi. nu ngidangida uri vaik aen a sematua maretimaljimalji a ljaljizavan a kivangavang, a kiseljavak tua maljian a sikavaljutan katua kakudan.

aicu a u kinasaljinga a vinarungan a sepi, avan a u sikazuljuan  na u kinljangan tu sikazuljuan a paljiazua tua u sikudan. ulja na makatjenglay tua timaimanga, a na papuligu tua u sikataqaljan.

sa uri matjakay aen a papupicul tua timitja tjayvilivililj nua kacalisian, “ kedrengi a temakesi a kicaquan, ulja mazulju a tja kinljangan  tu tjasi qeljing a pusaladj tua tjasikataqaljan, ulja mapupicul mekudresul a vinarungan. sa pitjaljiazua caquanan. ”

自小我有著夢想，我喜歡到戶外看那藍藍的天和白白的雲，到處走走，和同伴們到田間裡烤肉烤番薯。這是許多孩子們夢想的事情。是我唯一的興致。

老師知道我的想法，她告訴我說，認真讀書是對的！但是要懂得如何分配自己的生活，要懂得與人相互娛樂。追求夢想要有途徑，別像迷途羔羊，徒然浪費自己的力氣了。

我認真地讀書，即使在休假時也不停止的求知求學，去學習美國日本的語言，我深信一旦有更多的學習必會得到更多的知識，一天一天過去，我的生活起居，完全被埋在書堆裡，我有了夢想。

我要追求我的夢想，未來我要到不同的風土景觀遊覽，領受不一樣的生活和風俗習慣。