朗聲四起

ikamen a tjuruvu a tacekejan, ti ama, ti ina, tiaen. macidilj a tjaljaljak a kakauqaljay, madrusa tjaljaljak a kakavavayan. malje unem amen a tacekeljan.

nanguaq aravac a nia kama, timadju a kasizuazuanan na nia si kavaljuvaljut, a kilalaing tjanuamen a tacekeljan. inika ljiavavau a tinakesian, nua namaitucu, kipaquliqulid aracvac a karakuda itua kakasengsengan nimadju, ika semkez a paqeteleng, rumakazala tua tauki niamadju.

a nia kina na masidjelian sakamaya, a sengsengan nimadju avan a remaqumaqanan a kakemudain. ti ina inya teljar a kadjunangan, na migacalj anga nu kadjamadjaman.

seman kenamain a padjulu tu nia kanen. nu maka kan satjezen a mareka u kaka pasa kungkuan.

nu tjumaq anga inika semekaz, vaik anan a sema vaveliyan sa veli tua masan lialiaw a kakanen. nu cemikel i tjumaq venateq sa senaw tua kinanan, sarasuap sa parimasudj uta.

temakesikesi a mareka u kaka ita kusiau, kitulutulu aen ita kaucung. macaqu aravac a zemuga u kaka uqaljay. a u kaka vavayan saigu aravac a temakesi, ru gaugaw tua kazala, a macidilj a vavayan tjenglay a zemiyan, qau tjenglay aen a mekelj.

rukaikaian amen ni ama, nu izua nu varung kedrengu sakamaya, maya marekutj, kipalaingi a nu kina saljinga. kemedreng itjen a temakesi. utauta kitulu itjen tua masan liyaw a nu kinatjenglayan a paridiu, nu maitazua, nu ngidangida, ki mun a ikana marekutj tu pasainu a sivaikan a djalan. a u matjaljaljak namay tua kikay, nua na sadjelung a kinavic inika patjara luljayan. nu meqaca nga men, ki tiamen anga pacikel a kilalaing tua nia matjaljaljak. nu itua sisekezan ni ama, kacukacuin amen a kivangavang a pacacikal ni ama kati ina. tiamen a tacekeljan na malevalava men a ljemita qadaw. na  mareka tjenglay amen ,na  marasudj a nia vinarungan uta. maru nanguaq angata lja!

我們家人口不多，爸媽、我、一個弟弟、二個妹妹。爸爸是我們家的經濟支柱，經常受到老闆讚賞。媽媽從事家務，從不叫累。弟弟妹妹都小學，我高中，我弟弟很會畫圖，一個妹妹喜歡跳舞，一個妹妹很會讀書，我則很喜歡賽跑。

爸爸經常告訴我們，勇往直前追求所願，除了認真讀書，也要培養更多興趣，才不會害怕未來無方向可言。爸爸休假時，和媽媽經常帶我們到處遊玩。一家人相親相愛，團結一條心。