朗聲四起

i malri mu maw na muwa’uma, salaw surimet intaw, kana wariwari ziya, ’azi ziya ’idenan mu mupatraran mukuwa kikaruna. nu iwaywaya tuki mu muruma’ lra kenama. zi mukuwa ziya i ’uma kikaruna. kana awa ku i kungkuwan zi maw izu na sasa i malri na kiyakarun i ’uma . niyam ’uma mu sinaleman za kizay, zi ulra a makiteng tu saayhengaw sinasalem za kulang, zi maw na inaekan na vuwa’. ulra a kulraves, ulra latru’ zi ulra katawa niyam akanen. ulra sarakazan a vasikaw niyam kinisaselu’an, ulra lriyapuy ulra lavilruvilru, nu ’a’avay ta kana pinalepuk mu ’azi ta lra mukuwa i zenan mayamaya’a.

nu miyaaputr na kizay mu, nu semavalr’ teluwa tuki ’aremeng ziya mu mukuwa lra puvuwa’a kana kizay i malri, nu ta kuwazuwaw mu mivuwa’ na kizay. nu traluwalun mu lremepit i malri, zi putremel, ta kuwazuwaw mu dadawan nu mivuwa’ kema. nu purudadawan zi nu ulali’it lra mu ta travuwaw ’azi tu ’uredi na kizay, vulay zi mitrima’. ulra saya ’ami pana a variw a pakirev zi mureve’ na kizay zi sazu na minatray zi i kazu tu salemay za luwo-sen-huwa i malri. mena’u ku kana tu isalem ni malri na luwo-sen-huw mu dadawan tu ’aputr. kiumalr i nani kani malri nu kudayaw semalem zi kemazu dadawan tu ’aputr. “alra kana daruk ziya na dare’ zi ku pursaysayayaw semalem zi maw na dadawan tu ’aputr” kema.

kikarun ku lra i ’uma mu, mazalram ku lra zatu ulepan ni malri. nu awa hemaretrima kana kizay, nu tratravu kana kizay mu, mukuwa ku pulralranga.

mianger ku, ini na ’uma nu dawdawan lra na malri mu maw inku lra na i kiyakarun, maw izu na naanadam ku kani malri za kiyakarunan i ’uma. i malri semalem kana kizay zi tu vaawaw mi, zi tu patakesiyaw mi ziya, i malri mu tatena’ maruwa venaaw kaniniyam!

爸爸務農，每天天還沒亮就出門工作。他總是一個人在田裡工作。田裡種釋迦，田的一角種菜、其他的果樹，還有麻竹。釋迦開花時要授粉，草長高了要砍草、施肥，菓子快成熟時，要套袋。假日，我去幫忙，有一次我到園地裡，看見一隻蛇，爸爸手拿棍子打地讓蛇離開，我體驗到爸爸的辛勞，以後要剪枝，包釋迦我會去園地幫忙。這塊田地將來會交給我吧？我要跟爸爸學做農，爸爸種釋迦養我們一家人，還要供我們讀書，爸爸是了不起的農夫！