朗聲四起

Ma-aq naak haip a na istaqu ka sia pali-uni tantungu. Heza tu tastusanavan, ni-i saam i binano-az tun matudul, madia naam a sinpababazbaz, inheza-an saak i iniliskinan a, tupa-uk a binano-az un tu, mintun qo ata munhaan pantama-un haan Ququaz ta tantungu ki. Uu ka, tupa ka binano-az un tu na sanasu-u kis heza ka sui ki.

Tuza tu kavavaa saam masabaq a, ma-aq mas tudiip tu minkelas saam a, pisisihalun zami ka ilumaq a qemqemangsut masangkun, mapisaningsing ma-asik, hulus tu pisihalun zami amin matipultipul madenpus. Uu ka, iskakiiv zami ki masinoba ka sinsinepuk, kantingmut saam munhaan panadada-anlehlesapuz mabaliv pea tu na istunlehlesapuz zami munhaan tamaTalum haan Ququaz ta tantungu.

Tonadiip in tu sanavan a tinsuu ang nai mapataz i tulkuk mapaka-un zami. Sasuu tu pisihalun saam nai mapasabaq. Kutun in a, dasun saam munhaan babalivandengaz isbaliv i bilangbilang tu hulus pessia binano-az tun, mabaliv i mesapa tu sapil penaak, madia ingtaa sui ka ikma-e-un tudiip, na talti-un in a, minmaqmut saam minkelas, hadasun munhaan babalivan, pakonan haan Puut i buqulpetiphak, satu-un saam nai punhaan panadada-anlehle, tupa-uk nai tu lau qo naip mubaas amu munzami-an ta tantungu ki, melibuntu in ni-i tu mun-ita tantungu, tupa nai tu, na tantungu dau kis heza in a el-u-an.

I-ita saam patinpalavaaz ingtaa ka, tutuza tu manaskaldengaz naam a is-aang, tundaza saam i lehlesapuz mudaan mulumaq ti, patupa saam i binano-az tun tu ma-aq is mubaas nenka tantungu ka, na ma-aq dau ka balivun ispaska ingtaa ka na masihal i, na asa tu ingkalopa ko miliskin, na ni-i tu masihal is tinbalabala, asa tu minbaas masaivsaiv.

Mopa mopa ta duma bunun is tantungu-an ta ka, na asa ata amin tu mopa ta kis tantungu-an, uu ka na tudiip a tentungu ka miliskin tu ni-i tu minnautnaut tu tentungu. Ma-aq ata kis ubasan nai ta tantungu ka, asa ata amin tu mopa ta ka na mapinahip inai ta ka is-aang, na tudiip nenka makabununbunun tataqu tu maqazasqas ata masaivmasaiv i kazima-un mita, na istataqu ingtaa duma bunun tu tutuza ata tu masihal tu bunun, ma-aq is san heza in mita ka iniqdi-an a na maqtu nenka musuqis miliskin tu memaku-aq ata Malkanai ta ka, maqtu in nenka mindangazdangaz mita, minbaas masaivsaiv mita kis uka-an in ata.

有天晚上，我跟妻子睡不著，我忽然有個想法：「我們去住藤枝村的伯父那裡玩好嗎。」我妻子說：「你有錢嗎？」「應該有錢，所以我才跟你講啊！」我妻子對我說：「看你啊！」所以我們趕快睡。起床後整理家裡，把衣服摺好放衣櫃，牲畜交給弟弟他們照顧，一大早搭車到伯父家。晚上，他們殺雞招待我們，我們睡得很好。

隔天早上，他們買漂亮的衣服給我的妻子，也買皮鞋給我，花了不少錢；第三天，一大早，吃完饅頭後，送我們到火車站。我跟他們說：「偶爾也到我們那裡玩。」他們說：「有空的時候一定會去。」我們心裡非常高興，坐火車時，我跟老婆說：「如果他們來我們家玩，到底要買什麼禮物給他們好？現在要先想好。」

只讓他們單方面贈送禮物給我們是不行的，我們也應該回報給他們。這樣就是所謂的互助助人。