Isnava-an ata madadengaz mita tu asa dau tu nimnimun a ngulus, ni-i tu katmang babazbaz, masamu dau palasmuav, masamu amin silalaluan babzbaz; biaq is ni-i ka sinkuzakuza maszang i sinbabazbaz mita; ma-aq a katmang babazbaz tu bunun a, na tis-ia, na tu-asqazun i diqanin.

Ma-aq madadengaz mita ka ispasisimul i ikma-a-e-un a, sanasia inai ta sinpatumantuk tu qalinga; ma-aq is sinimul i qangvang, kanaqtungan in iskuzakuza tu na suqesun a qanvang a, asa dau tu mapaka-un i temiqangvang ta; ma-aq is simul i tilas a, sanasia sinpakatnul paissia bunun ta tu baluku masuqis, masamu mapalasmuav bunun, ni-i tu maqtu ni-i tu masuqis i sinimul ta. Maaq is mapabaliv i dalaq a, ni-i tu mapatas sinpatumantuk tu haqil, ni-i tu laphuq ngaan, lusqa sanasia sinpabazbaz tu qalinga ta. Maaq dau inai ta sinpababazbaz a, soqabasqabas malmamaupa. Qabas ang a patunqaqaal ang ata bunun, sanasia dau ka mapa-is-av un tamatina tu qalinga ta kuzakuza, ma-aq is tupin dau tu piaq a babu patazun a, piaq a davus kadavusun a, ni-i in maqtu piskaqna.

Ma-aq ata lopa ko ka Bununtuza ka, ula-an in duma tu siduq, ni-i in a sinbabazbaz mamantuk, silalaluan in malkabunun bazbaz, mapusasaksak, mapalasmumuav i madadengaz. Madia in dau ka uvavaz-az silaluan taqu ki madadengaz tu na mabaliv i haqil, naut in dau ka tamatina masaiv ingtaa sui, samuq is lusqa-un ingtaa sui ka isbaliv i davus, tamaku siin saviki.

Asa ata ka Bununtuza tu peskalopa ko minmantuk in tu ka-a in masmuav tu pakasia Puut Toluu tun pasungkaviaz, ka-a tu masmuav tu liskaPuut un, mopa vevi nai tun a tel-e-an, maqtu nenkun kamangmang maqalav i issu-u tu binano-az, nait maqalav i issu-u tu dalaq, tutuza tu asa tu mananulu MalkaPuut un, mopa vevi nai tun a teklas, vevi mita Bununtuza ka teklas. Mopa ma-aq ata ka Bununtuza ka ni-i tu mazima ki madikla tu qalinga siin kuzkuza-un, uu tu maqtu nenkun mopa ta.

耆老教導我們要緊閉嘴巴，不隨意說話。禁說誑語或說謊。

商借工具用品，都按約定去做。商借一頭牛，把牛還給牛主人時，會擺上豐盛的餐食。如果借白米，要照米主人所盛的碗公還給他。

買賣土地，不用寫契約書，也不用蓋印章，只是照著嘴裡所說的話約定，約定的效力永遠有效不變質。

交友和婚姻，也是如此。交友要真誠，不要欺騙朋友。夫妻也應依照約定生活，不可心有旁騖，若能如此，約定必能永遠不變。因為欺騙的人，人人討厭。