朗聲四起

Ma-aq ata Bununtuza qabas a kathaan libus miqumis, lusqa tastulumaq diip a bunun, uka duma. Ma-aq a duma bunun a mapaldahda ka dangi-an, paaq pu-un ni-i tu maszang lopa ko tu kopaqani-an mapasaduu; nepas laku-aq in a, tudiip in mapasaduu. Asa tu munhaan ituduma bunun tu lumaq tantungu ka, na tudiip maqtu muqna pasaduu, paaq pu-un ma-aq is mudandaan a ni-i tu langat palanduu bunun.

Ma-aq is san i-isaq tu daan mapalanduu ki bunun a, tinsuu ata tupa tu mun-isaq asu? Ni-i tu sintupa tu u-asa-an maqansiap tu kama-aq nepa, lusqa sinbazbaz ang, na ma-aq qo ka isbazbaz i? Na masihal qo kis lusqa palanduu ka ni-i tu san kananu ang panduldul tu muhiav pabazbaz ang, na kaniq ang qalua kis palanduu ki pakhiv ang panduu ka, tudiip in mudaan, paaq pu-un asa kis palanduu ki bunun tu ni-i tu panpungul tinsuu tupa istaa tu mun-isaq asu?

Minus-an a todanivan saak i pantama-un tu minsuma-a dau ki, na pa-is-avan dau nai ki Takiludun tu bunun i siza-un nai ta dau istaa ka uvaz-azno-az. Tuza tu mun-ita saak i inaak binano-az minhamu nai ta mapa-is-av, tau babu ka patazun ispasiqtu, madia ka sinpasiqtu, ita ang saam muskun nai ta mis-av sosanavan, dikut saam ita tudiip, samuq is liqani-an saam amin, ma-aq tu minkelas in a kakivan ang saam nai mapaka-un i qesing a mudaan in saam tu na mulumaq in, tandudusa saam i binano-az tun mudandaan, madia naam a sinpababazbaz haan daan, malibuntu ki mopa daqvisan a daan haan ludun ta, malnau, heza tan-a-un a ideza ang a sinpababazbaz tu sing-av, isnungsiv saam itmantuk tan-a ka, samuq is tutuza tu heza bunun a pabababazbaz, palanduu saam a tupa-uk tu mun-isaq amu ka, tinsuu antalam tu mesnaquma mudaan tu na mulumaq dau, tupa-uk tu pandu-ang tu muhiav a, issihapav zaku ki sinpasiqtu tu mebabu mangunu istaa; tuza tu manahipdengaz nepa antala. Manahip amin saam tu maqtu ang kapimopa ki issia madadengaz tu sintungungunu taqu.

Tonalumaq in saam a, ni-i in madia ka sinpasiqtu tu titi, lusqa kus-anun zami ma-un, langat is mina-un ang amin, ka’ngunan zami ka uvavaz-az issivevi ki laas tu titi paka-un, mopa san maqtu ang nopa istal-ia ki uvavaz-az tun, na nai in tun qabas is taldaing in nenkun a madedaz mita tu madadengaz, minbaas mapakaka-un i laas tu titi, na lusqa in ata sisdang i imita tu uvavaz-az tun.

布農族人以前居住在山上，一戶人家只是住著整個家族的一家人。離其他的族人很遠，很少來往，不知道何時才見面，要專程到他家，才有可能見到面，出門時，很難遇見人，不像現在集居一起，可以見面。

在路上與人相遇時，我們會說妳們要去哪裡？其實，並不是要知道對方在做什麼？只是禮貌性而已，難道與人相遇，就該匆匆的走嗎？不好吧！何況螞蟻牠們相遇時，也會停頓一下，然後各自回去，所以，與人相遇時，一定要停下來問候才離開。

有次，叔叔邀我去參加婚宴，因為他的女兒結婚，要殺豬分肉，然後我們就吃吃喝喝。

天色很晚，就在那過夜，早餐後，我們帶著分配的豬肉回家，在路上遇見人，我們打招呼，也分給他們一些肉，他們非常高興，我們也很高興，因為有按照老人家所教導的去做。

回到家，分配的豬肉沒剩很多，大家分著吃，都有嚐過，我們還留些瘦肉給小孩們吃，好讓他們身體也能長一些肉。盼望他們在長大後能孝敬長輩們。因為，未來就要仰賴孩子們。