朗聲四起

o icicirawat no tao a Meyvanwa am, ya na todablis ta yana mey dehdehdeh rana aka no yana makdekdeng o da ka panaraley so Tao do to.

o ya Meyvanwa sicyaikwaya am, ya pereh rana o cinedkeran, yaro o ya mapalwas rana so tatala, ori am, malas o akman sang, ta o icicirawat no tao am, no ikatlo na vehan do rayon do Papataw am, ori o palwasan so tatala, ta matow, abo o ipidwa mapalwas so tatala do rayon.

ya mey papereh o cinedkeran, a ya na ikapereh rana no ya macita panlagan so vahey. ta o cinedkeran am, ya na alitan rana no mibekbek a ya pangahahapan.

o meybekbek da no tao do ilaod am, yajiates sira ya mai ai do pongso, a ya tomangozangozey do da tawazan a alibangbang, a ya komavakava so icicirawat no tao do pongso a ya mangahahap do among no rayon, a ya to meyzavozavozi rana no tao a ya jimzapzap do akakanan so among no rayon.

no kakwa am, mangnanao sira o makahaod a rarakeh, sicyaikwaya am ya mangnanao rana o ya malavayo a tao, da pazavozen o vazey do Siwey a ipanci.

o ya panaralayan so Tao do to am, ori o ney rako a yambalinas so ya Meyvanwa, ta da rana to meynozi an yaro o yamanaraley so Tao do to a ya na jimeyvanwa.

ya macitarek rana o icicirawat no tao do pongso sicyaikwaya, ta ya ahapen rana o icicirawat no tao do malaod, am kongoen ta vangonen o icicirawat ta do pongso, ney makdeng na o kavangon ta so icicirawat ta tao do pongso, am tana ipanci o akman sang am, masalit a peyvazain masalit a vangonen.

o akman sang a ciriciring no tao aka no icicirawat no tao am, jitavonasa, ta o ciriciring no tao aka no icicirawat no tao am, ya teyapiya, ya teymakdeng. ori o ikowyat ta kamo a amvangon so ciriciring no tao aka no icicirawat no tao do pongso.

傳統招飛魚祭，隨著生活和信仰，逐漸改變。現在排在部落灘頭的大拼板舟已經很少，共宿屋也隨著流失很少看到。機動漁船取代傳統的拼板舟。當機動漁船不斷進入海域捕撈飛魚，破壞生態，也影響族人對傳統文化的保存信心。傳統沒有大拼板舟的人會在後面，但現在會被邀請一起招喚飛魚。沒有祭血的人會用小米跟親友換取雞血，現在有人以錢幣換取。有的只祈禱，不去部落灘頭點血，或不參加招飛魚祭，如何保存傳統文化，刻不容緩。