朗聲四起

mangdey do kasa kawan do Kapowan o ka peyvanwa da no tao do pongso. o ipeyvanwa am, rarahen o among no rayon do ka vanwan sya, ta no abo o among do keymiminili am, mazikna o mangonot so among, no meyvanwa am toytoynen o kataotao aka no pintek.

o makahaod a aka no rarakeh am mangananao sira so akakanan so among no rayon.

no Kapowan am. makaranes sira o alibangbang do Jimagaod. a makarala do peycyavanovanowa na do pongso papowan do so ka peyvanwa da. a meyrayon a mangahahap do among no rayon.

o rayon am, neymakdeng na do kasakawan a ipangahahap no tao do pongso, neymakdeng na o among no rayon do icicirawat no tao, no rayon am, teyaro do jya o vazey no tao a meycyamadadayan, o rayon am teyaro jya o makanyow, apzatan o akakanan so among no rayan, ta beken a toda kamoamong sira, ori o ipeypepzat do rayon.

no maniring sira o rarakeh am, “ jikamo meypaltog, jikamo meytagzezeng do vanwa, jinyo amya o kanakan a meygesageseh do vanwa. jikamo manoo so pai. ”

tey aro o makanyow do rayon, no mangahahap am, jigalagal, jinodwa sira, jimeytatanek, no zangen am azteben pa, jimaneyreng do rayon, no teyka rana o panoyotoyon am jirana meyyakan so alibangbang.

o ipangnanao da no rarakeh no Meyvanwa am, ipaziman da so mapeykeyked so among no rayon, ta o marahet a vazey no asa ka tao am, ikarahet no kapangapangahahap no asa ka pongso. ta o alibangbang am, among no Tao do to.

o icicirawat no tao do pongso am, ya tonazetazestes a yamavonas, ta da jiatenngi rana no kanakan aka no malalavayo a tao a ipanci o ciriciring no tao. tana icicirawat no tao do pongso am, ya akman sang, ta da jiatenngi rana peyvazain, ta da sazapen rana o icicirawat no dehdeh, a ya meydehdehdeh.

o akman sang a ciriciring no tao aka no icicirawat no tao am, jitavonasa, ta o ciriciring no tao aka no icicirawat no tao am, ya teyapiya, ya teymakdeng. ori o ikowyat ta kamo a amvangon so ciriciring no tao aka no icicirawat no tao do pongso.

每年舉行招飛魚祭。耆老們會教導部落注意禁忌、遵守規矩，以期藉著招飛魚祭，祝福平安。飛魚季是一年當中最重要的漁獵季節，是文化核心，是最忙碌的季節，禁忌多、較嚴。不能因為犯禁忌，影響到所有族人的漁獲。

達悟族的傳統文化，逐漸消失，小孩子、年輕人不會說，也不去實行傳統文化、歲時祭儀。語言、文化非常重要，要全心全力去復振、傳承下去。