o rala no pineyvanwan a teymakdeng ya ahapen no mahakey, no makaranes o ipeyvanwa am, madadey do peycyavakavahayan na o rala no pineyvanwan, ahapen ya no meyrayon, ta aro o angayan na, panlanlagan no among no rayon.
no omanam ka pey vanwa am, mangtekteb so kawey a paringen a pangayan so rala no pineyvanwan; i osok ori no meyvanwa, atlo do cinedkeran, atlo do tatala. asa am pakedkeden do teyrahem no avat, o ikadwa na am pasagiten do pamomowpawan, o ikatlo na am, pakedkeden do batbat no zazawan a pakedkedan so zavong.
ta na do paneneb, ta na do papataw am, mey yangey o rala no pineyvanwan am, a itoyotoyon so ni manma ni mapan a alibangbang, no maniring am, “ namen raralahen inyo no rala no pineyvanwa na, makanop kamo jyamen a among no rayon. ”
o angayan na pa no rala no pineyvanwan am, no sombo o asoy no alibangbang am, ori o vogahen, no maniring am, “ ko imo raralahen no rala no pineyvanwan a yani sombo a among no rayon, a ta na yakan namen inyo am ikapiya namen inyo no kataotao. ”
makdeng o rala no pineyvanwan, ta itoyotoyon so among no rayon, kano ivoga so inawan do ni sombo a asoy no among no rayon.
o mahakey am, mangdey do awawan o ka panaring so rala no pineyvanwan, teymakdeng o ya icicirawat no tao do pongso, mangdey do awawan do ipeyvanwa o ipangap so rala no pineyvanwan.
o akman sang a ciriciring no tao kano icicirawat no tao am, jitavonasa, ta o ciricirng no tao kano icicirawat no tao am, ya teyapiya, ya teymakdeng. ori o ikowyat ta kamo a amvangon so ciricirng no tao kano icicirawat no tao do pongso.
yaten am,macinanao ta do ciriciring no tao, jitavonasa o yapiya icicirawat ta tao do pongso, inaoy no aro o kanakan kano malalavayo a tao, a makateneng rana do ciriciring no tao, o mahap so icicirawat no tao.
祭血竹是男人在招飛魚祭必備用具。每到了招飛魚祭，家戶會製作祭血竹取雞（或豬）血，是一項重要的儀式物。
舉行招飛魚祭之前，必須要準備八芝蘭竹莖的一小節做成竹筒，盛裝招飛魚祭血竹，部落舉行招飛魚祭當天要帶到部落灘頭，裝入雞血，三支是大拼板舟用；三支是單人拼板舟專用。
一支祭血竹綁在大拼板舟船槳底下，另一個祭血竹是掛在叉架上，第三支祭血竹是綁在飛魚架的橫竿上。用在飛魚季所釣到的大魚頭，把魚頭骨一起綁在祭血竹上。
將捕到的第一條飛魚用祭血竹點在飛魚身上，祝福飛魚説：「我們以祭血竹祝福你們，祈願你們常匯集，讓我們豐收。」
祭血竹是每年必需製作的用具，也是傳統文化的精髓。每年的招飛魚祭，必會看到祭血竹。
達悟族的語言和文化要保存，非常優質、重要。要全心全力去復振、傳承下去。
我們要學習達悟語，不要讓文化消失。希望有更多的人能說族語，傳承達悟文化。