朗聲四起

o rala no pineyvanwan a teymakdeng ya ahapen no mahakey, no makaranes o ipeyvanwa am, madadey do peycyavakavahayan na o rala no pineyvanwan, ahapen ya no meyrayon, ta aro o angayan na, panlanlagan no among no rayon.

no omanam ka peyvanwa am, mangtekteb so kawey a paringen a pangayan so rala no pineyvanwan; i osok ori no meyvanwa, atlo do cinedkeran, atlo do tatala. asa am pakedkeden do teyrahem no avat, o ikadwa na am pasagiten do pamomowpawan, o ikatlo na am, pakedkeden do batbat no zazawan a pakedkedan so zavong.

ta na do paneneb, ta na do papataw am, meyyangey o rala no pineyvanwan am, a itoyotoyon so ni manma ni mapan a alibangbang, no maniring am, “ namen raralahen inyo no rala no pineyvanwa na, makanop kamo jyamen a among no rayon. ”

o angayan na pa no rala no pineyvanwan am, no sombo o asoy no alibangbang am, ori o vogahen, no maniring am, “ ko imo raralahen no rala no pineyvanwan a yani sombo a among no rayon, a ta na yakan namen inyo am ikapiya namen inyo no kataotao. ”

no papataw am, iwasik rana o rala no pineyvanwan do paneneb, no apiya vehan am, iwasik o rala no pineyvanwan do papataw, ta pakavosan rana so rayon.

makdeng o rala no pineyvanwan, ta itoyotoyon so among no rayon,  aka no ivoga so inawan do ni sombo a asoy no among no rayon.

o mahakey am, mangdey do awawan o ka pamaring so rala no pineyvanwan, teymakdeng o ya icicirawat no tao do pongso, mangdey do awawan do ipeyvanwa o ipangap so rala no pineyvanwan.

o akman sang a ciriciring no tao aka no icicirawat no tao am, jitavonasa, ta o ciricirng no tao aka no icicirawat no tao am, ya teyapiya, ya teymakdeng. ori o ikowyat ta kamo a amvangon so ciricirng no tao aka no icicirawat no tao do pongso.

yaten am,macinanao ta do ciriciring no tao, jitavonasa o yapiya icicirawat ta tao do pongso, inaoy no aro o kanakan aka no malalavayo a tao, a makateneng rana do ciriciring no tao, o mahap so icicirawat no tao.

祭血竹是招飛魚祭必備用具。會取雞（或豬）血，是重要的儀式物。舉行招飛魚祭前，準備八芝蘭竹莖做成竹筒，盛裝祭血竹，帶到部落灘頭，裝入雞血。一支祭血竹綁在大拼板舟船槳底下，另一支是掛在叉架上，第三支是綁在飛魚架的橫竿上。將捕到的第一條飛魚用祭血竹點在飛魚身上，祝福飛魚讓我們豐收，另一個用途是用來贖回厄運。祭血竹是傳統文化的精髓。每年的招飛魚祭，必會看到祭血竹。