朗聲四起

o tao do pongso am, ney makdeng na o alima so avat, a da ipanci a kaoranan no asa ngarnan a tao, ipanci ya do pongso a cinedkeran.

o rayon am, neymakdeng na, ipangahahap da no tao do pongso a mahakey do among no rayon, o cinedkeran am, teymakdeng a pangahahapan da, ori o karo no vehavehan aka no aro a tao na maring so cinedkeran, o ikamaog no cinedkeran am, mangap so rappan na, pakalaten vavakong iirasan aka no savilak na, a iyamaog sya.

sira teymateneng o tao do pongso a ya meycicinedkeran, no pabosbosen do o nivatkan a cinedkeran am, mazanod sira o asa ka ili a mapeyvazey sya, o peyanmoan da panhawayan da am, ney makdeng na ori a paka citaan so icicirawat no tao do pongso.

o alima so avat a cinedkeran am, mangdey do rayon o palwasan sya, a panaran so among no rayon. no omanam o Meyvanwa am, powboten do kakamaligan a palwasen do vanwa, ka lino sya, itmen o iirasan, a ka seksek da jya no varok so katoroan na, ta peyvanwa an.

no rayon am, tongiyan do vanwa o cinedkeran, ta pangahahapan da.

no komavos rana o rayon do apiya vehan am, ihawa da mararalow o cinedkeran, a kavalangan a kacimoyan, am ori o ipey kamalig no tao a palipan da so cinedkeran, ta ori o ikowney no pangahahapan da, ikehni na jiararalow.

o akman sang a ciriciring no tao aka no icicirawat no tao am, jitavonasa, ta o ciricirng no tao aka no icicirawat no tao am, ya teyapiya, ya teymakdeng. ori o ikowyat ta kamo a amvangon so ciricirng no tao aka no icicirawat no tao do pongso.

yaten am, macinanao ta do ciriciring no tao, jitavonasa o yapiya icicirawat ta tao do pongso, inaoy no aro o kanakan aka no malalavayo a tao, a makateneng rana do ciriciring no tao, o mahap so icicirawat no tao.

拼板舟以五對槳、十人同划的大拼板舟最具代表，稱cinedkeran，由船板，船漿、支架、船舵等組成。大船下水禮時需全體動員。招飛魚祭的前幾天，部落漁團組會把拼板舟從船屋裡推到灘頭，重新油漆、固定、補漏。招飛魚祭時，有人會拿雞，招喚飛魚。招飛魚祭結束後，首祭漁團的人會在夜晚出海，用火把捕撈飛魚。收獲節後，為避免日曬雨淋，會建造船屋，讓大拼板舟遮風避雨。

語言和文化要全力復振承，讓小孩子、年輕人能說族語，傳承文化。