朗聲四起

no maniring sira o rarakeh am “ jiabnek a tao o abo so mabcik ”. ori o ika teymakdeng na no mabcik a amyan do vahey.

o ahahapan sya no tao do pongso am, madadey o teyhesa ka vahey a yanan no mabcik, ta teymakdeng o mabcik ya, o angayan no mabcik am.

o ipanmek am, marahet a vehavehan, ta o aingan na peypeypangayan na am, akmey mabalinas. o peypeypangayan na am, akmey mamed a maliman.

o pampammarngan so kanen aka no icicirawat no tao do pongso am, aro o ayyaingan na.

o asa am ipanyames so pangahahapan, no meyvatek so pangahahapan am, atlo o ikoris jya; malavang aka no vorilow aka no mavaheng, o mabcik am ahapen a yames, o vorilow am, ahapen a ipamorilow, o azyow no vanga am ahapen a ipangoryowring.

o ikadwa na am ipangmed so mamahen. o mabcik am kozongen do oomdan, no ipanmama am koykoynen a toktoken do mamahen, o mabcik am pangain do pala no panonotongan a atapan a jinangheni.

ikatlo na am ikavonas no meyngen do kataotao. o icicirawat no tao am, no amyan so amnoow a noka am, pakorisan so mabcik a kazbak no noow na, no meyngen o velek am, pakorisan so mabcik a tomoyotoyon sya, ikapiya rana no velek.

ikapat na am ipamozow so anito. no marahet o tateynep am, mamozwow no mabcik, taotaoan o pazezevngen ta ikavozwow no anito.

manaotao:no amyan so tao do vahey aka no pampammarngan so kanen am, rarahen sira o tao a mangey manmama do vahey, o mamahen am amedan, makdeng o mamahen ya ipanaotao, no abo o mabcik am, abo ipangmed da so mamahen da, ori o kamoan no tao a abo so mamahen. 

o akman sang a ciriciring no tao aka no icicirawat no tao am, jitavonasa, ta o ciriciring no tao aka no icicirawat no tao am, ya teyapiya, ya teymakdeng. ori o ikowyat ta kamo a amvangon so ciricirng no tao aka no icicirawat no tao do pongso.

yaten am,macinanao ta do ciriciring no tao, jitavonasa o yapiya icicirawat ta tao do pongso, inaoy no aro o kanakan aka no malalavayo a tao, a makateneng rana do ciriciring no tao, o mahap so icicirawat no tao.

貝灰對族人而言，是很重要的生活必需品。貝灰在傳統文化祭儀及生活上有幾個重要的功能。單人拼板舟的白色原料是貝灰。貝灰會裝貝灰罐裡，撒在檳榔上吃。傳統上，把貝灰塗在出膿的地方，膿就會破除，很快得到痊癒。傳統上，可以拿貝灰撒向四周驅除魔鬼。也可以在家門上用貝灰畫人像，讓魔鬼不敢接近家裡、不敢傷害人。邀請客人吃檳榔，一定會放貝灰，沒有貝灰，就無法讓客人吃檳榔，會很失禮。