朗聲四起

o icicirawat no tao do pongso am; o kasa kawan am, adwa o ikarwa na no vehavehan, o Apiya vehan am, ney apiya na do vehavehan.

no somamorang o Apiya vehan am, mamaring so kanen, neyapiya o ya ipamaring so kanen no tao do pongso, makapya meyayowayob, ambaba so tamtamek.

ka powbot so alibangbang do palamoamongan ta tedtedan, no makapoo o kadai am, padponen do inaorod, o nitedtedan am teyhesangarnanen,a kavonong sya no inyapoan a mahakey do kavahey na.ta matarek rana o vahey no anak.

o Meypyapya vehan am, nikomavos rana o rayon a tahaman do inahahapan no zipos a macyazazow no alibangbang aka no arayo, abo jingyangyan do jia, a asyasi no mowamowa somon, vizaoz, goyod, acyai, anyoy a asyasi no kayo.

no amyan so malalavayo a tao a meysinmo am, o inyapoan da am, pasarawen da do Apiya vehan, ta neyapiya na o Apiya vehan a ipeysinmo no tao a matarek so vahey.

no makamahamaha rana o nikoman a mahakey am, mapangey sira do peypeyyawawan so asong, ka pangap da so ao no mahakey, a malimot do asong, a mapapo so ka peyvaci da. a mapasaod so allag no kakanen.

no meyvokavoka do Apiya vehan am, to rana patarka o atlo a ngangarnan, ta panoyotoyonan, a jigogadan. tana abo o yakan am, jimangapi. no tomolow o Kalimman am, tahaman rana o ni patarekang.no mahep am, meykaryag sira do makarang a to da rawi. ori o vazey do Apiya vehan.

ori o ney kapiyana no apiya vehan do pampammarngan so kanen.

o akman sang a ciriciring no tao kano icicirawat no tao am, jitavonasa, ta o ciriciring no tao aka no icicirawat no tao am, ya teyapiya, ya teymakdeng. ori o ikowyat ta kamo a amvangon so ciriciring no tao aka no icicirawat no tao do pongso.

收穫節是蘭嶼最好的節日，是互相贈禮的日子。若要結婚，父母會選擇這天舉行婚禮，是吉利的日子。收穫節是團圓時刻，全家共享美食，吃完美食後，會在涼台聊天。飯後會在部落空地裡，舉行搗小米，祈求豐收。

收穫節會把飛魚儲存起來，要先把三十條飛魚另外分出來，為了在飛魚終食節食用。平日不能動、沒有副食也不能煮。等到Kalimman才開始食用。收穫節晚上，會在高屋舉行傳統的拍手歌會，唱到天亮才結束，這是慶祝收穫節的日子。