朗聲四起

o ivey am. ipanci no tao do pongso a oyod; a pipyaamong, manma o ivey a yakan no mownged.

o ivey a sinalilyan am, amyan sira do keyvayan ka do zawazawang. beken a amyan sira do karehman do teylaod, ta no mahep am, matwatoyo sira jimeyhened a komala so panizocizopan da so apapaz no awa.

no kakwa pa am no mangey mamacik o mahakey a ko abo no acyey am, tomyapoy sira.

o apoy da am avyao, no marow am, mangey sira mamyao, o avyao am, avyavyawen da a teyhesa vonot, no mahep am, palolowen da do keyvayan. no tomyapoy sira am, asa ka lima da am, ipinan da do apoy a isoo so keyvayan, asa ka lima o ipinan da do pammacikan da, o apoy am jipasarowata do kakawan ta sakbozen na a hespen. ori o ikapiya no mehzehza a tomyapoy, ta no makamong o asa ka tao am, itoro o apoy do kararey na.

no tomyapoy am, amyan so meyheza meytovong do vahey, o mavakes am manoo so kalang, o mahakey am mamacik so ivey, ipanta no mavakes o mahakey na so nikalangan na a bedbeden na no mahakey na, o mavakes am apiya tomyapoy.

no tomyapoy o ikapya na no pammacikan a pinanan no mavakes a mangna so ivey.

ji sira veyvow o mavakes, ta jida tenngi o keyvayan, jida tenngi a imaden o kalang.

no tomyapoy am, ararako o ivey a mamong, jimancian a ivey, ta ipanci a cyapoyan.

sicyaikwa ya am, yamyan rana so dingki aka no ya pakedkeden do oo a dingki a soo, a ipamacik a ipangangalang.

魚飛是溫帶沿岸海域底棲魚類，會在清澈水質的瀉湖、珊瑚礁盤的下面、黑暗的洞穴中。晚上會在水表層找吃的東西。

以前男人去夜釣，會用火把去釣魚飛。火把是用八丈芒草莖，晚上會用火把照海溝，因為海浪會打濕火把，最好兩個人一起去。夫妻一起去釣魚飛，妻子在潮間帶抓螃蟹，丈夫在海溝釣魚飛。女人不能單獨去釣魚飛，因為不知道魚飛的聚集海溝，不知道怎樣剝蟹腳肉，需要跟著男人去釣魚飛。現代都用手電筒或頭燈夜釣魚飛。