朗聲四起

o pongso no tao am ya malimot no awa. meykataretarek a vahey da yanan no among.

aro o keyvayan do teyhesa ka ili a mangey da pamacikan. o keyvayan do teyhesa ka ili am.

Jimorod am--jitaig ka do jimamkaney.

Jyayo am-- do cigasan ka do paganman no tatos.

Jiraraley am-- jimavonot, ka do bosbosan, ka do malatowod.

Jiratay am-- jilawak, do vanwa, do igang.

Jivalino am-- do likta vanwa ka do pangengidan.

Jiranmeylek am-- jimalamey ka do cinikcikan ka do vosovosan do ji likyayo ka do kalaten.

o icicirawat no tao do pongso a mangahahap am, amyan so monganey do pamacikan so ivey o makanyow.

o mamili so kanen am jimeyyakan so ivey ta matoing o anak a akmey ivey a meytatapi a amgozang.

o ipangahahap do among no rayon a ya kapat a vehan, am jimamacik so ivey, ta meykasa o vazey no mahakey a mangahahap do among no rayon.

o ivey am nanatnganan o dengdengan sya, ji dengdenga do sosowadan aka no vivinnyayan.

no somamorang o Kapowan am, jimeytorotorwan o nivacikan do lidan rayon, ta meypanam o ka rayon na, ta o ni mamong am, abneken a ngilin no rayon.

no mangey mamacik a ka peyliktow do kanitoan am, jilololos ta macilolo sira o anito, marahet o kasisibo.

no jianimapodpod pa o pesed no kanen sospa am, jiangey mamacik pa ta vayo pa matazak a tao o kanen sospa. to ngiyan do vahey a macikeyan do anak.

蘭嶼每個部落有好幾個海溝是魚飛聚集地。傳統的捕魚文化也有禁忌。如：懷孕的婦女不食用魚飛，因為魚飛扁扁的，深怕孩子像魚飛一樣瘦弱乾扁。飛魚季時不去釣魚飛。魚飛只能煮在爐灶最左邊的地方，有固定的爐灶煮食。傳統的月份Kapowan初期釣到魚飛，不能立刻送人食用，因為怕在飛魚捕撈期，運氣被拿走。夜釣魚飛，如果經過墓場，不可大聲喧嘩，會釣不到。嬰兒的肚臍還沒有脱落時，父親不能夜釣魚飛，需要在孩子身邊陪伴。