朗聲四起

no ya malavat o pongso no tao am, ya manma o alibangbang a, ya da manakem no aro a tao, am o ipanci a ivey am, ngaran ori no among, a beken a alibangbang, no ya citahen am, todna ka amoamong, am neymakdeng na among ya. yakan no mownged. a sosoen da no motdeh.

o ivey am ngaran no among, aro manci nya ivay, o ivey am mataripis, arako o mata na, malavang o ivey a akmey vohawan. o ivey rana ya am. jida peyzavozavoza o kanen da, ta o ka panizocizop da so apapaz no awa, no mangci o keysakan am, mangey sira meykakasa do keykeyvayan a pakamongan. no makamong so ivey am. to noposan a dengdengen do ranom. jipeysinalikedked da oya. o nidengdeng a asyoy na am. teyapiya ayopen da no mownged. no marow am tomayo sira o ivey do masari a yanan da zawazawang, no mahep am meytottow sira meykala so kanen da, o ivey am aro sira matwatoyo do keykeyvayan a manizocizop so apapaz no awa, o ivey am ney kakey da o bedbeden a asisi no kalang.

no mangey mamacik o mahakey do mahep am, aro o vacikan da ivey. no marow am akman sang ta aro o ciklapan da ivey, no masapa o kasarian a kavitos no rako a cimoy am, ji da ngahapa o pammacikan da, ta kozokozozwan da o ivey a aknahen do zawazawang a keyvayan, aro do dang o mamong da ivey.

no mangahaphap sira o tao do pongso am, aro o meykataretarek a mamong da, o icicirawat no tao do pongso am, abneken da o ivey a oyod, tana mavakes tana mahakey am, to da bedbeji o ivey a yakan, o ivey am manma tatahaman no mownged, a pipiyamoamong.

tana aro oyod am, jito peyzavozavoza o yakan no avayo pa ni koman sospa da, ta ikarahet no kataotao da kano motdeh, o nima yakan no inyapoan a mavakes am, masepsep no motdeh do kataotao da.

no ahapen do ka mownged am, makdeng o ivey ta pipya among, ta o vayo pa koman sospa da am, tonazestes do vehavehan o pilihen da yakan a among. o ivey am oyod a pipyamoamong, ney apiya o asoy no ivey, mey yangey a kano kosikosi , o ivey am neymanma na masepsep da no katazak pa tao do ina da a nivacikan a pipya among.

 

 

 

魚飛是一種魚名卻不是飛魚，是哺育延續生命不可或缺的魚種。

魚飛形狀像三角形，身體扁扁的，眼睛很大，顏色略為銀白色。

魚飛不是雜食性魚類，不吃礁石的藻類，只吃海上的浮游物。每當海水退潮的時候，比較容易釣到。魚飛用來煮湯，適合產婦食用。

魚飛在白天，會躲藏在黑暗的海溝穴內。晚上出來覓食，族群大分散在水表層的魚飛聚集海域來回游動，吃浮游生物，魚飛最喜歡吃螃蟹肉。男人夜釣時，會釣到很多的魚飛，白天也可以釣到，尤其是天空烏雲密佈、大雨過後，男人不用釣竿，與手釣方式在岩岸海溝裡垂釣，會釣到很多的魚飛。

文化中，魚飛被歸類為oyod；是女人、男人都可以吃的魚，是產婦最先吃的好魚。

剛產後的婦人，不能隨便吃，會影響產婦和嬰兒的健康，母親吃什麼東西，嬰兒就吸收什麼養份。

魚飛的價值是相當高，產婦在食用的魚類中，最好的魚。

魚飛是oyod為好魚，跟花尾魚一樣是嬰孩從母親的母乳中嚐到的第一個夜釣魚種。