朗聲四起

Wilang ga kyan sa’ing la’i knerin nya, Ipay ga ksuyan, Yageh ga sswe. Ipay ga kba ci mtiyaw yaw mayah, ba ci m’omah ru muhi rami, ana tmubux lmyun ru tminun ongu ga ba’un nya mtiyaw kwara. Ipay ga sli ci uya nya.

Yageh ga kba ci m’was biru, nanak biru na pkhgup mga’ing c’ol ku sli nya. mosa pcpung miru ga maki gleng kryax lalu nya. myasa ci lungan nya ru gmalu ci c’oli. Yageh ga sli ci yaya nya.

Ipay ru Yageh ga kyan nanak knba’an naha. aring la’i cikuy lga, mosa mayah ru tkba tminun utux, mosa m’was alang b’nux utux, nanu yaca ini pkba lungan ku sa’ing naha.

hopa kawas ku sa’ing la’i knerin lga, Ipay ga wayan nya ba’un kwara yaw mayah ru yaw na tminun. Yageh ga waya masu m’was biru hopa pwasan na pkhgup mga’ing. mwah alang ru mwah sali ku sa’ing naha.

uya ga mnaga sku la’i ksuyan Ipay, ba’un nya mosa piyux ci ni’un rami ru lmyun mayah, kba ci tminun pala ru lukus Tayan, Ipay ku thoyay mosa mubuy sku kwara knba’an mkyanux na knerin Tayan.

yaya ga nyu mnaga ku la’i sswe Yageh mwah sali, baha mcwa ana nanu yaw pkhgup mga’ing c’oli ga ba’un nya kwara. Yageh ga kba ci mita ga’ing na la’i ru bkis, thoyay mosa maki esesyo, byo’ing, ini ga heya nanak mosa gmyah utux byo’ing beh alang Tayan. Ipay ga sli ci uya nya, Yageh ga sli ci yaya nya. ima naha myasa ku sa’ing la’i knerin hani?

uya ru yaya na sa’ing la’i knerin hani ga kba ci psba lungan na la’i knerin. ba’un naha Ipay ga kba ci m’omah ru muhi rami, ba ci tmubux lmyun ru tminun ongu. Yageh ga kba ci m’was biru na pkhgup mga’ing c’ol, ba’un nya pkhgup ga’ing na bkis ru la’i. nanu yaca uya ru yaya ga tpihun nya Ipay ru Yageh, sba’an nya lungan ku sa’ing la’i knerin hani. kmayan maha, Ipay, Yageh, hopa kawas mamu la, aring la’i cikuy ga, waya cimu nya le’un psba sku uya ru yaba yaya mamuw, ana ini ptna kwara knba’an mamu ga, pciy lungan utux ke, “ita ga mtswe ta nerin!” pgalu lungan mamu ru prraw mtiyaw, iya psya’eh, ana cimu mosa ana inu ga, pciy lungan mamu kryax, “ita ga mtswe na nerin!”

Wilang有二個女兒，姐姐Ipay和妹妹Yageh。Ipay會種菜和織布，阿嬤很喜歡。Yageh會讀書，媽媽很喜歡。Ipay和Yageh從小各自努力學習。二個女兒長大，Ipay學會種田和泰雅織布。Yageh醫學院畢業回鄉。阿嬤期待Ipay想吃田裡的菜和傳承編織技術。媽媽期待Yageh可以在衛生所、醫院或診所為族人看病。二個女兒誰最有能力？

阿嬤和媽媽教導孩子，召集姐妹說，妳們長大了，阿公和爸爸用心培育妳們，要記住『我們是姐妹』這句話。要相愛互助，不交惡，要謹記『我們是姐妹！』