朗聲四起

myasa calay alang myan, suruw alang myan ga piyux ci mayah nya, cyu kya mayah yaba mu uyi. maki beh cka mayah myan ga kyan utux hopa tatak. sliy ci mabi tatak uba uya mu. tehok bagan, tmasu sku pwasan biru lga, rasun cami nya mayah krayx uba uya mu.

maki beh sali na mayah mu ga, kyan utux kalux hoyin, heya mlahang kwara tatak ru mayah. kba ci kmiyak m’u hoyin maku, ana cikuy m’u, ana thuy m’u, ba’un nya kmiyak kwara. mwah sobeh kinang kryax ku hoyin maku.

mosa mtiyaw mayah yaba mu ga, mosa cu mluw kryax. cyu kmoyah uraw yaba mu ga, mosa cu muling ayax. magan cu ayax ga, piyux ci kuy uraw texan maku. piyux ci ga ktahi talah ru ktahi kalux. mosa caku magan nni’un ru bi’an maku ktahi talah, ini mu bi’iy ktahi kalux heya. ksli mu ga ktahi talah, ini mu ksli ktahi kalux heya. ana ga ktahi kalux ga lokah calay mingat nni’un, ktahi kalux waya mani kwara nni’un.

maki syaw mayah mu ga, piyux ci ngahi ru cehuy, mwah magan ngahi uba mu ru rasun nya beh tatak, halan nya cmuling puni ku ngahi haca.

ba’un uba maku, ksli caku ci mani cmuling ngahi. kba calay cmuling ngahi uba mu, ble ci sokan, cbing ci ru myasa ci ni’un. mho’ing ngahi lga, smuy cami ku uya mu maha, uwah mani ngahi lo! uwah mani ngahi lo!

mayah na sali mu ga piyux ci rami nya, uya mu ru yaya mu ga naha waya muhi kwara rami haca. ble mu ci ni’un rami ga kanrang, kabang, bolu ru layan…, piyux calay nuhi naha rami uya ru yaya mu. rasun myan sali kryax ku rami na mayah.

mbiya wagi lga mku’un kayan la, uba mu ga mosa mita rangay nya krayx, ciri olit rgyax kryax uba mu. ciri olit rangay ga, clingun nya puni kumis olit haca, waxan nya ’sya ru rasun nya phapuy sali, ni’un gbyan kisa.

smuy yaba mu lga masu cami mtiyaw mayah la. kwara karoh, payeh, soki ru pungki ga halan mu matu tatak kwara. kyalun cu nya yaya mu maha, hopa su lga isu mosa mlahang kwara mayah ta, melang c’oli ga ungat ni’un naha, lokah su m’omah mayah ga mosa maki ni’un su kryax.

我有家農場也有農舍，到了夏天，學校結束上課時，阿公阿嬤最喜歡帶我去農舍住。我家農場有隻黑狗，牠會顧農舍和農場。爸爸在農場工作時，我會幫忙燒雜草。我家的農場種很多菜，是阿嬤和媽媽種的菜，我最喜歡吃的菜有甘籃菜、南瓜、長豆和綠豆等等。

太陽下山時爸爸會叫我們收工，我會把工具都收到農舍裡去。媽媽告訴我，長大以後要好好照顧農場，懶惰的人沒有東西可以吃，只有好好在農場勤勞工作，才會常常有東西吃。