朗聲四起

utux rayx maku ga piyux calay myasa yaw. mtuli cu sasan ga hopa calay wagi cyu mnaga kinang. mwah kmayan sku yaya maku maha, Sayun, tuli la! nahay usa mema r’yas, uwah mani myux ru baying, tngi su lga mosa ta m’was biru la. ble ci ni’un kwara nhapuy na yaya mu. tngi cu mani lga, panga cu kabang, mluw cu yaya maku mosa cami pwasan biru la.

sli caku mosa pwasan biru, piyux ci gluw m’was biru mluw cmai m’was biru utux ryax. t’aring cami miyuk sali pwasan biru lga nyu mnaga kya psba biru la. myasa ci psba biru maku, heya ga knerin, ruyux ci snonux nya, bawi ci c’oli nya, ini thuy he nya. msya kryax r’yas nya, myasa calay lungan nya. kba calay mlahang c’oli, kba ci sba biru, kwara gluw m’was biru maku ga, sli myan ci m’wa biru kwara.

sasan ga sba’an cami nya m’was ’was Tayan, lalu nya ga “la’i cami na Tayan!” lokah cami ci m’was, m’es kwara gluw m’was biru maku. piyux ci ’was Tayan sba’an cami nya. la’i na Tayan ga lokah ta m’wa ’was Tayan. masu m’was lga, rasun cami nya mani pang ru nbuw iyung cbing.

mbiya wagi lga, masu cami m’was biru la. malax pwasan biru lga, halan cami nya matu blihun ku psba biru, tmatuk myan tunux psba biru, sgagay cami kwara ku gluw m’was biru la.

tehok sali lga, mku’un kayan la. babaw kayan ga cyu mhtuw byacing ru bengah. rima masu phapuy ku yaya mu, mnaga cami yaba mwah mani. masu cami mani lga, tisan cami kwara utux sali myan, kmaya cami laluw yaw waya mhtuw ku utux ryax soni. kmayan sku utux utux he ga lokah cami ci msya kwara. gbyan la, abiy caku la, lungun mu ci utux rayx maku soni.

我的一天有很多美好事。早晨太陽等我起床。媽媽叫我，Sayaun快去洗臉，吃早餐上學了。我喜歡去學校跟同學讀書。女老師等我們，她長髮，人高不胖。帶著笑臉，心地善良。很會教書，同學都喜歡讀書。她教我們唱泰雅古調：我是泰雅小孩！同學都大聲地唱。

老師帶我們吃點心，到戶外跑步和打球。在學校長大長高、身體強壯，頭腦會好，同學喜歡到學校讀書。放學後月亮高掛，媽媽煮好晚餐等爸爸用餐。吃完後一起聊一天的事，歡笑中互道晚安。