朗聲四起

Ma-aq tu inpapakaliva-an ang tudiip a elqumisan a, uka qani-an, uka maqmut siin sanavan, ni-i amin a vali siin buan santesqang, mutmutan a diqanin, kalinkazhav a luvluv, muszi haan tuqnaz, lusqa ka bunun kandudumdum mudandaan, kandudumdum kikilim i danum tu na qudan.

Heza tu tastuqani-an, mopa lusqa ka bunun kandudumdum mudandaan, maqaliv a mumudan asa ququu ki danum, paaq pu-un kinpatazpataz kikilim i danum, lusqa tu ni-i tu niap tu na kingna-isaq kilim i danum, mopa mutmutan, madumdum a diqanin, madia ka minpakaliva tu miniqumis, tan-a-un a lukis, ismuut, takilibus tu miniqumis, kusbabai tu qazam tu pabababazbaz nait tusasasaus ta, mopa qabas ang a lukis, ismuut, takilibus tu miniqumis a kedu-anan i maqtu qudan tu danum.

Paaq pu-un minmantuk nenka miliskin tu na tanamun ta tanangaus un tetmang labatu, nepun tu heza-an i danum is pa’zaq a sinbatu, mudandaan a bunun a, mintun tanam labatu, tuza ki haip in ti tu tan-a-un a sinbatu tu pa’zaq haan danum, ni-i ka bunun maqansiap tu taki-ita ka takilibus tu miniqumis siin kusbabai tu qazam ququu ki danum, tesandu-un a ququdan nai ka danum, tinquz-a ka takilibus tu miniqumis i kusbabai tu qazam tu te’zaqan ang nai, tinmangmang amin nenka tin-iang, nanu sia sakut a tin-iangdegaz, sekanait tinmangmang a bilva tu-i-ia, inastu haan dalaq a sikopa minpakaliva ka vevivevi tu miniqumis a uka tu tas-a ka ni-i tu tinquz-a; tissia ta ka diqanin tisqa tinsinqal, peskatudiip malinahip in malisihal in amin a miniqumis miqumis, heza in a qani-an, heza in a maqmut siin sanavan, heza in amin a hivhiv, maqtu in masihal sumbang i hivhiv; tudiip a lukis, ismuut, takilibus tu miniqumis siin kusbabai tu qazam muvasvas in haan isaq-isaq tu danum mundiip quu; ni-i in a bunun mapising mudandaan kilim i danum quu, mopa heza in haan diqanin a sinqal, maqtu in usadu-an tu i-isaq a danum a maqtu qudan, maqtu in malisihalsihal miqumis.

Ma-aq qabasan a bunun a tutuza tu miminiqdi miqumis haan nastu ti, madumdum a diqanin, uka qesing a konun, madiqu danum, mungaa in tu na mataz a, samuq is ladaduu ki tintesqang tu diqanin a, tudiip in nenka tinnahip a is-aang, masvala in tu langat i tintesqang in, maqtu in nenka kan-anak mudandaan kilim i na maqtu qudan tu danum, kilim i na maqtu konun nai ta, tuza tu unin ang i kadedazun nenka diqanin.

以前，沒有白天和夜晚，太陽和月亮，天地一片渾沌，冷風吹透骨，需摸黑找水喝。樹木、雜草、野獸、飛鳥，彼此可以溝通。人們想出用石頭投擲找水源，果然，這時就聽見水浪聲。殊不知，在喝水的野獸和飛鳥，及所有生物都被驚嚇了。天有了白天和黑夜，有新鮮空氣可呼吸；天上有光，人們找到有水的地方。

早期，生活疾苦。天空昏暗，無食物可吃，渴求於水。因為有光，從此，人們可以自由行走，找水喝及吃的食物。這一切，真的要感謝天！