朗聲四起

Ma-aq tu inpapakaliva-an ang tudiip a elqumisan a, uka qani-an, uka maqmut siin sanavan, ni-i amin a vali siin buan santesqang, mutmutan a diqanin, kalinkazhav a luvluv, muszi haan tuqnaz, lusqa ka bunun kandudumdum mudandaan, kandudumdum kikilim i danum tu na qudan.

Heza tu tastuqani-an, mopa lusqa ka bunun kandudumdum mudandaan, maqaliv a mumudan asa ququu ki danum, paaq pu-un kinpatazpataz kikilim i danum, lusqa tu ni-i tu niap tu na kingna-isaq kilim i danum, mopa mutmutan, madumdum a diqanin, madia ka minpakaliva tu miniqumis, tan-a-un a lukis, ismuut, takilibus tu miniqumis, kusbabai tu qazam tu pabababazbaz nait tusasasaus ta, mopa qabas ang a lukis, ismuut, takilibus tu miniqumis a kedu-anan i maqtu qudan tu danum.

Paaq pu-un minmantuk nenka miliskin tu na tanamun ta tanangaus un tetmang labatu, nepun tu heza-an i danum is pa’zaq a sinbatu, mudandaan a bunun a, mintun tanam labatu, tuza mas haip in ti tu tan-a-un a sinbatu tu pa’zaq haan danum, ni-i ka bunun maqansiap tu taki-ita ka takilibus tu miniqumis siin kusbabai tu qazam ququu ki danum, tesandu-un a ququdan nai ka danum, tinquz-a ka takilibus tu miniqumis i kusbabai tu qazam tu te’zaqan ang nai, tinmangmang amin nenka tin-iang, nanu sia sakut a tin-iangdegaz, sekanait tinmangmang a bilva tu-i-ia, inastu haan dalaq a sikopa minpakaliva ka vevivevi tu miniqumis a uka tu tas-a ka ni-i tu tinquz-a; tissia ta ka diqanin tisqa tinsingqal, peskatudiip malinahip in malisihal in amin a miniqumis miqumis, heza in a qani-an, heza in a maqmut siin sanavan, heza in amin a hivhiv, maqtu in masihal sumbang i hivhiv; tudiip a lukis, ismuut, takilibus tu miniqumis siin kusbabai tu qazam muvasvas in haan isaq-isaq tu danum mundiip quu; ni-i in a bunun mapising mudandaan kilim i danum quu, mopa heza in haan diqanin a singqal, maqtu in usadu-an tu i-isaq a danum a maqtu qudan, maqtu in malisihalsihal miqumis.

Ma-aq qabasan a bunun a tutuza tu miminiqdi miqumis haan nastu ti, madumdum a diqanin, uka qesing a konun, madiqu danum, mungaa in tu na mataz a, samuq is ladaduu ki tintesqang tu diqanin a, tudiip in nenka tinnahip a is-aang, masvala in tu langat i tintesqang in, maqtu in nenka kan-anak mudandaan kilim i na maqtu qudan tu danum, kilim i na maqtu konun nai ta, tuza tu unin ang i kadedazun nenka diqanin.

以前，沒有白天，夜間和晚上，太陽和月亮都黯淡無光，天上霧濛濛，微微的冷風吹著，滲透骨頭裡面，人們只能摸黑走路找水喝。

有天，人們摸黑找水，因有時未能進水，喉嚨是乾渴的，所以人們非常渴望能找到水，只是不知道從何找起。天空昏暗，霧也是灰濛濛的。這時，發生了很多奇妙的事物。樹木、雜草、野獸、飛鳥等，彼此間可以溝通對話，也很會唱歌。因為，樹木、雜草、野獸和飛鳥，他們早已找到可以喝的水了。

人們開始振作起來，試著找出水源。人們想出一個辦法，用石頭向前方投擲。心想，搞不好投到有水的地方，就會聽到濺起浪花的聲音。人們一邊走著一邊丟擲，果不其然，這時就聽見浪花濺起的聲音。殊不知，野獸、飛鳥也在那喝水。正在喝水的野獸和飛鳥，因為石頭的投擲，濺起了浪花，他們都被驚嚇尖聲驚叫著，山羌的尖叫聲最大，像雷公的叫聲，所有地上的生物都被驚嚇了。

忽然，天發出了亮光，從那時起，開始有白天和黑夜，也有微風吹著，有新鮮的空氣可以呼吸；樹木、雜草、野獸、飛鳥都分散到有水喝的地方；人們也不怕出去找水喝，因為，天上有亮光，可以順利找到有水喝的地方，過著幸福快樂的生活。

早期，人們在世上的生活非常疾苦。天空昏暗，沒有食物可吃，渴求於水。在即將殞命前夕，忽然，天空亮了起來。因為有亮光，使得心情也變愉悅起來。從此，人們可以自由行走，很快就可以找到水喝，還有吃的食物。這一切，真的要感謝天，如此地疼愛著他們。