朗聲四起

ko nadroma sa tawkelakela kai Di’ong kadrwa ka dingki Balrangaw ara lawlawlaw, idra kela ceele. ki drakerale taromak si kathariri idra kikai marohabang dware’e.

si konai ka soTaromak sa 1940-1941 amalra naiya ’atalela twalai ’irila ’o’olavinga, asi loiyata ’olavinga si ’irila ka mabalrealreana sa drakerale lo odaodale si kasa sevesevere lo kato’ava kai talodro si kadraw ka acilai kata maka talrebalre, Ialra alra ’atalela ’adethe ki hasiyo si tatakesikesiya, si idra mobangabang ’aramoro twa dadaane, si vasavasalre idra taki bakisiva nelini idra tato cana, lo kela idra akolriya Ia sarare idra atomana nelini si wa akolri ki kaelrea, ’a’iya Bolriyo, asiloiyata kadrwana mathariri kai kaelrea, twalai Boliyo kela Balrangaw ’wa daedae ’obarase, si kai base lo kela twalai Boliyo kela moBalrangaw tamawlriyolri kainganai maredede, lo amangeale ka toki ai tamangeale silrabale kai base, lo maka tokodrali ai yatolro ka toki wa davace siyolri maredede. lamani kai hikoziyo mabakisikisiyo kai cacekecekele ma’akwakwa idra bakisiyolini, Ia kidolro ’aramoro kai nata rwarodranga inilringa kai tato cacaana anisara ikai ka ata ’odrolriya sa ’agay miya, si lo dramadramar amwa vasavasale takawnga lo mo’a cengeceng idra madraw idra lenege, kiya angato si ’awa twa’ oy lo tholake la ’awa thorodroko lo motrakabe ira kairaireketa maia mwalra.