朗聲四起
“ Saka tayraan kako i Taypak 101! ” “ Saka tayraan kako i Slin yi-s! ” “ Saka tayraan kako i Suy-sang le-yen! ” “ Saka tayraan kako i Lu-kang law-cyi! ” sararawraw saan ko mitiliday no Fotod a maainiini to harateng no tireng.
To raday no romi’ad awaay ko limaw nangra a miliwko, ciharateng cangra itini i ’ayaw no pisawad a mitilid, tayra kita i kaitiraan no singsi no mita a niyaro’ a miliwko a misalama, mahemek ko faloco’ nangra a maainiini, tayra kita itira, tayra kita icowacowa saan a halamham ko faloco’ nangra. Nikawrira sa’osi han ko sakalic, ko sapilafin ato sahawikid a payso, cecay a tatamdawan maedeng ala cecay ’ofad a rimo’od, ’alomanay a mitiliday caay ko papakasadak to hatiniay a payso.
Ira ko ciharatengay manga’ay pasayra i Koko-sio a mingitangit a mipadang i kitanan na saan. Nikawrira caay pihayi ko singsi nangra to nini a demak, sowal saan “ Caay ka tefad saan ko payso tona i kakarayan, nanay kita ko mamisadak to kiemel no tireng ko sakaira no sapiliwko no mita a payso, ta malaheci ko sapiliwkoaw no mita. ” saan. Misatapang to a misaharaterateng ko singsi, paherekan malacecay to ko singsi ato mitiliday makakton. Pakayni i pisasing；i picoka；i picodad a mikilok kita to makapahay a lotok, makapahay a riyar, makapahay a fokloh ato fangcalay a serangawan no Fotod, sanga’en ta malaohong, pa’acaen ita ohong kalo payso ita a miliwko, mansa kamo? Maraod to ko pahanhanan a romi’ad keriden to no singsi ko mitiliday a misassing to riyar, to lotok, to lonan no Fotod, ira ko micokaay to foting, to fokloh ato sakro’ no Fotod, loma’ no Fotod.
Polong nona mitiliday cecay ko safaw, malakilac cangra paytemek to tatayalen, ira ko misasingay, ira ko micokaay, ira ko mitiliday ato milicayay to mato’asay. Hatiniay ko pisa’icel no singsi ato mitiliday ningra, maala ko tolotolo a folad ko tayal nangra lepon sato. Paeferen to nangra tayni i wang-lu papitoki to mami’aca, satapang saho moetep ko ma’acaay, masomad ko singsi ato mitiliday, o maan sa ko sapiliwko no mita saan a mararom. Kanga’ayan nanoya ’aloman ko faedetay ko faloco’ a tamdaw mipadang a mi’aca, tolo a romi’ad ma’emin to a ma’aca koya ohong, polong noya ohong enem a so’ot, mareko to ko sapiliwkoaw nangra.
｢我想去一○一大樓！｣｢我想去士林夜市！｣｢我想去水上樂園！｣｢我想去鹿港老街！｣蘭嶼鄉椰油國小的學生，很少有出門旅遊的機會。大家想在畢業前到老師的家鄉遊玩，他們越討論越高興，想去的地方也越來越多；但是每個人的旅費將近一萬元，許多學生根本拿不出這筆錢。
有人想請鄉公所補助經費，但是老師不同意。他說：｢錢不會從天上掉下來，我希望學生能靠自己的力量，完成畢業旅行的夢想。｣最後師生共同決定以照片、圖畫和文字來記錄蘭嶼的美，並做成手札籌募費用。