朗聲四起

kakhayza’an hayza’ mae’iyaeh ’aring ’ima ’ol’oelae’an ra:am a tomal ka tae’oloeh o so:wi’ a tomal, rengreng ray ’asang tomilihlih ka ’ima hahingha’an ki siya ka tinal’oemaeh, mam makakSiyae’ rengreng nisiya pahangihin, ray ’asang mae’iyaeh ma’ ra:am hahi:il hisiya’.

hayza’ ’aehae’ hahila: siya manra:an manra:an ’okik ra:ami’ mowa:i’ ila ray ’ima ’okik Sekla’ i’ ’asang, komita’ Say ’isa:a mae’iyaeh sin’elan hingha’, somi’ael ’ampowa’ pa:’aephel nanaw? lobengez somingozaw Sa’ “moyo ’ampowa’ tomalek kasi’aelen pa’aephel nanaw,’okay si’ael Sapang tinalek ”, kamapa’aephel mae’iyaeh tiSkobae:oh hi siya’ Sa’ “ yami ’oka’ ka katozekan powa:aw, sini’ael ’am haSa’ kas’oehaz a ” lobengez Sa’ ” ’iwa’ ay! moyo pa’aephel.

lobengez ’okik Siwa’ ’am patopa: “ kita’ kita’ moyo ma’an Sisi’ael koza’ kin kayzaeh si’aelen” lasiya komita’ koza’ kinSarara’, Somingozaw Sa’, ” niSo’ sini’ael Si papay’ino nay? lobengez toma’aes ka haehngae’ Sipakita’ hi lasiya Sa’ “ kita’ ya:o hayza’ ka katozekan, ma’an sini’ael mayhini Sisa’i’ ma’ ’oka’ ila, So: moyo ’am nak ’iyakin, wa’ila! ya:o tapakhayza’ ka katozekan ’inimon ” kamapa’aephel ma’az’azem ila!

“yami’ ’am tomalam pakhayza’ ka katozekan, So’o paskayzaeh ’iniya’om ”! lobengez mari’ ka patonay Saeho’on ray haepoy pa’iSngilaehen ’isa:a Sitotoh ila ka katozekan nasiya, kita’en ’aehae’ ’aehae’ malbel ila, lasiya mayaka:i’ hi lobengez “ ’ampowa’ nakhini? siya tiSkobae:oeh Sa’ ” honhae:i’ ’am hekla’ ila ” lasiya paka:i’ nisiya pinayaka:i’, SikoSa’ ma’ masay ila,’aehae’ ’aehae’ nisiya pakpasayen,’aroma’ mae’iyaeh komita’ bi:i’ a tomal, rima’ ila Somowaw hi lobengez, siya ra:am ka tae’oeloeh, maraS ka kamti’ hoSa:il ray hoeroe’ ’i:zo’, nasiya totohen noka boehoe: kita’en ngangilaehan pakoSa’ ramo’ nisiya, paSopasay ila, SikoSa’ ma’ kamti’ kasnaw ’ima lomowang.

bi:il ila lobih ray ’asang nisiya, hingha’ siya mayaka:i’ ray ’asang mae’iyaeh Sa’ ” yako wa’isan mina! moyo mari’ ka boehoe: panae’ ma’an ka hima’ mina ’am ’okay nak’ino’,” SikoSa’ niSiya ray hima’ ’i:zo’ ’inaSkan ka patonay,’okik ra:ami ni minayti’ ni siya SiSokabih ka ka:ra’, SiSopasay ila, malbel kita’en sem’el ila ka bengez.

以前有個聰明又頑皮小孩，常常在部落裡欺負同齡的孩子，在部落無人不曉。

有天他到一個陌生的部落，那裡的人只吃蒸氣，不吃煮好的飯菜。他們：「我們沒有肛門，食物無法排出，只能這樣吃食物」。

Lobengez說：「你們看！我吃東西。」他們好羨慕：「進去的東西，怎麼排出來？」Lobengez：「我有肛門，東西消化，就排出去，如果想跟我一樣，我可以幫你們做肛門」。

他們來Lobengez做肛門，Lobengez拿燒紅的鐵條往他們的屁股刺，他們一個個倒下。Lobengez卻說：「很正常，等一下醒來就好了。」後面的相信他的話，一個一個死亡。

Lobengez回到部落，不改狂傲，「我很厲害，你們拿弓箭射我手臂，我一點感覺都沒有。」其實他在手臂放了鐵條保護，然而！萬萬沒想到，他弟弟竟射向他的心臟，當場射死，他倒下後，瞬間長出了紅芒草（鬼茅草）。