朗聲四起

kasi’aelen ’isa:a’ nom pak’i’iyaeh ka mae’iyaeh. ’aehae’ hahila: Santo:ol, sa’sa’ih mae’iyaeh ’okik hingha’ ka sini’ael. hayza’ mae’iyaeh ’ina komoSa’: “ Say ’oes’oeso’an somi’ael ray ’oes’oeso’an ka ’ima som’el hinhinbetel o kaSiki’oes’oeso’an ’ayam; Say wasal somi’ael ka kaSikiwasal ’ima som’el, nak ’a:or ’aelaw hara. ” haysahini kayzaeh ila ka kin’i’iyaeh ma’ pawhi:il ila ka kasi’aelen nom pak’iyakaliyaeh ka basang.

Say hini ’aehae’ ’oemaeh ka SaSinSinrahoe’ hahi:il ’ima rowaSek ray ’oes’oeso’an, nasiya kano’ kano’ si’aelen? haysani ila somi’ael ka kano’? nak SaySiyat SikoSa’, ray ’oes’oeso’an nonak ’ima som’el hayza’ ka sizop, Sina’, ka baehko’, ma:ong ’ima rarahoe’ koSa’en baehko’, ’ima sase:ez koSa’en ma:ong. ka pawri’ noka banban o noka ’oeway ’oyaeh si’aelen ka haw ’i:zo’; hayza’ naehan ka rawko’ ’oyeh, hini saboeh kaSiki’oes’oeso’an kakhayza’an rengreng kasi’aelen. kapa:pazayen ma’ hayza’ ka ’aewpir, rokol, wasaeh, tata’, pazay, basaeh, tawSa’ o Senget. hayza’ naehan koSa’en ’ima bolalasan ka kowis hara tabo:il ki hoewek. kakhayza’an tatini’ So: SaSina’ ila ka ’inakhini’an binSi’ Sa’ “ So’o hayza’ ay ka tabo:il ’inoka SaySiyat a binSi’ hara? ” yako ma’az’azem Sa’ ra:amen ’ima ’am komoSa’  ka SaSinSinrahoe’ SikoSa’.

ray ’oes’oeso’an hayza’ ’akoy ka kasi’aelen, hinbetel, kaSiki’oes’oeso’an o kaSikilolongan hayza’ saboeh, ’ana ’inowan ma’ hayza’ kamari’in ka kasi’aelen. yami ka mae’iyaeh ma’ pakra:am malaehang ka hini ’oemaeh, pakra:am Sobaeh ka hini ka ’anmita’a ka ’oemaeh.

食物是人類賴以維生的必需品。每人吃進肚子裡的食材不盡相同。靠山吃山、靠海吃海，過去吃什麼呢？以賽夏族來說，有昭和草、龍葵、大、小蕨、藤心、山棕心、山蘇。主食有地瓜、樹薯、芋頭、高粱、小米、大米、玉米、樹豆等。過去有種白色瓜皮的大黃瓜和白色豆子。漁獵和狩獵是原住民的文化之一。早期山上打獵或放陷阱、捕獲山珍。想換口味就到溪裡、河裡捕魚、蝦、蟹！大自然提供源源不斷的食物，我們應更加保護山林。