朗聲四起

semanu ta sinbunan na tilibi, “qautulu deddan, qayau ti ya banged qawtu pasazi ta qizuanan ta ” zin na. “ kalamaz pa ita pasaya paqangi tu leppaw, mai pa Rapsian na banged ” zin na baqi ku semanu timaikuan.

matiw sa bakung bai ku meRasa tu tened, tuami seRay saqanan. azu Raya banged, azu mai ti tu dingki, qanengi ti meRamaz tu tuami, mai tenes, simunang Ramazan, mai sasetaR tu sammay metenes qawka mammin. pasusu qaya bai ku tu utulu Raya ay kungkung palingi tu zanum, yau banged yau zuma mai ti tu dingki mai ti tu zanum, nayau mai ti qalaydaw tu qamai tu zanum.

yau baqi ku semangsangi paqangi tu ineb seRay dengat na leppaw. mai nengi dengat niaq, mala baqi ku tu sapaR paRitan na ta dengatan, temabal tu bali seRay uzan na banged. mulepun ti baqi ku kelawkaway, aiku nani, menimen tu ta pispisan seRay ta nasanan ay Ribang, tematalin tu inengat ay Ribang pasa siR. azu Raya ay inpis ay Ribang, paRitan ku, mala iku tu betu pematez ta babaw na, nazauan mai ti qasiyup na bali manbaseR pasasani, qaqaytisan.

yau ti banged nani, mineb imi tu zana balis ay ineb, melikeneng imi ta leppawan, mai imi meliyaz. “ azu yau banged, naRin melaliyaz ta leppawan, Raya suni ta, azu ti temuduy tu qaRayan na bali seRay uzan, azu qumRas tu padadames ka semiyup, muzan. ” zin na baqi bai ku semanu. melaup tedub ti zanum na qenawang ta kinilan na leppaw, qalungkung ti suni na, maytis ti iku.

pamemeng, mabaqsiw na bali ya sapaR seRay dengat, semuRem ti ya bali seRay uzan pasa leppaw, melaup ti leppaw niaq. melazuk baqi ku melusit mala tu nisangian na tu sapaR, muman ti temabal tu tangan. aiku seRay bai ku, melazuk misis tu Ribang pasa babaw, niz ti zanum ya leppaw, semisinap ti imi tu zanum ta leppawan muwalin pasa tati.

melaziw ti banged, peliya mai tu lazat meluzit, mai tu maRapsi ay Ribang na leppaw niaq. wanayka, utulu dedddanan mai tu dingki, salipayan mai tu zanum. mai iku kalingun tu qenaytis ku tu banged na damuan.

新聞播報說：「三天之後，會有颱風，請盡早做好防颱準備。」

阿嬤去買菜跟泡麵，停電時可以煮。阿嬤也裝了三桶水，這樣就不怕停水了。阿公把門窗固定，但窗戶沒有很好，只能用木板擋住。我則收拾屋簷下及庭院的東西，安靜地待在家裡。突然，強風把窗戶與木板吹走。風雨灌進家中，瞬間淹起水。阿公趕快去拿木板，再一次把窗口擋起來。我跟阿嬤一起趕快把東西搬往高處，把水掃出去。颱風過後，沒有人受傷，停電三天、停水一星期。