朗聲四起

iniyam na mukuwa temakesiya kana kawcong mu, ulra na adawilr kantu rum’ i kukuwan, semalra melri na muicas da Bas mukuwa i kukuwan mu, mau na kikadu lra i kungkuwan, adi lra maresan kadu ta diya i kuwocong, muruma’ ta kemay kungkuwan mu, ulra na mukuwa kipusiya, ulra na payas muruma’ kantaw.

harem adi lra maresan, musavak ta lra i kawcong mu, nu kemay kungkuwan ta mu, ulra nu eman, kayta mekana diya kema sasa ta lralrang mu, marelrang ta lra mulikap i dadalan, aymu pakamelri mi kana misaharan ’emapa’apa i makadaladalan.

nu mena’u mi kana pinatikedir na cinawcau mu, adikadi mi sumungal kitukiwmaumalr di, likeliked mi pa’avut, nu mena’u mi kana purupakamelri na cau nu kemakawang mu, malruwalru mi diya tu kinakawang. maliked mi elra, naniyam kinalikelikedan adu mu, uniyan da pauwayan mu!

nu paranger ta eman, maliked ta, di adi ta maira pakatamuni semenay i dadalan, ku kiyaangeraw adu, man kemadu mi kana karaemaeman, uniyan da angeangera da kairayan kema ku mu!  

mukuwa ta musavaka kana kawcong mu, mawdiya kaitayan ta sinadaluwan na lralrang temakesi, sawariyan lra marekanadam ta lra mu, maya’ ta kana mararesan ta piniangeran na lralrang di, marekakaduwan lra ta lralrang temakesi.

]marayas tumuru na sinsi kaniyam da’’ maruwa mu mukasa duwa kani temakesiya mu, mau na maredalrep nanmu piniangeran, mau na mivati mu kurekasa temakesi di, amana malalup da marekalraman’’ kema.

ai kemaduwu! mukuwa ta diya kana pukatelu lra ’ami mu, naniyam inukasayan da anger pukasa kana sadeku, lramu mau na kare’idang ta lra di, nanta vinavatiyan mu, salaw marepulihu di marepukedang.

nu kadu diya a sasa na puwaduk mu, payas mi marasud muwaduk, mukasa naniyam rinangeran, maresan naniyam awayan, marepulrapulrang mi, ka’uringec mi da kakawangan kema mi. nu kadaidan lra mu, ti piangeraw naniyam marepukedang a kawcong mi diya.

自從唸了高中，個性也成熟多了，不再像國中時，只喜歡跟自己喜歡的某個人相處，卻跟其他同學格格不入！老師常告訴我們：能夠進到同一所高中就表示你們是相近的、有緣的，一定要珍惜！

的確！進入高中的友情會特別溫暖。想起那些經常胡鬧的日子，只要有人登高一呼，朋友們便會隨之跟進。聚在一起聊天，經常會互相鼓勵著。大家共同擁有一個夢想與目標是我們感到最開心的事。期待有一天，我們會看見我們的努力，以及我們的高中友情！