朗聲四起

isa pangqaiza wa qali, Zintun mu’apawiza manasha qilhnaqualh a thau, tatata danshiqan ianan isasaran pashashaila shmaila, mamzai huya isasaran pashashaila sharaqian ifazin yuan-zu-min a hulus, antu dadu pashaila yuan-zu-min a quyash numa minparaw, kmalawa muririw a pashaila painan.

mapanduu pangqaiza wa qali, manasha malhalhiqash a thau munai Zintun,mriqaz isasaran pashashaila mashashu numa maqitan a lushkin lhai kilhnaquash a thau tunmaza.

izai a kalawan, riqazan yuan-zu-min isasaran pashashaila, mathuaw mabuqnur, matupapaah huya wa kalawan antu shuqruman yuan-zu-min a kazakazash,pashaila sasaz a kazakazash numa quyash sa mashtay mabrithan a kalawan.

isa pangqaiza wa qali. Zintun munai manasha kilhnaqualh a thau, numawan isasaran pashashaila palalawa manasha munai malhalhiqash a thau. antu yuan-zu-min a isasaran pashashaila ifazan sa yuan-zu-min a hulus. ani pashaila tu kazakazash a quyash. kmalawa muririw a pashaila, yuan-zu-min isasaran pashashaila mzai.

ininai a Thau mathuaw kabuqnurin, mzai izai isasaran pashashaila mawazuwazu yuan-zu-min antu shmuqrum yuan-zu-min a kazakazash, ya piaharan a mriqaz sa thau ,amafazaq naur inithawan a kazakazash, munsai isasaran a pashashaila, shdadu asmaas sunda wa kazakazash.

mamzai qilhnaqualhan piaharan mriqaz numa tumaza naur ininthawan a quyash numa minparaw, muhiaw patara kilhnaqualha wa thau mafazaq tatata thau qbit naura ininthawan a kazakazash,pasain dadu a pashaila dai.

每逢假日，日月潭湧入許多遊客，有非原民表演者，穿著原住民族服飾，但不是表演原住民族歌舞，看在本族街頭藝人的眼裡，這種行為很不尊重原住民族文化。

穿著原住民衣服，應唱自己的歌謠。非族人表演者覺得沒問題，魚目混珠之下，聽眾也接受演出，管理單位無法可約束，本族街頭藝人也是見怪不怪，觀光增廣見聞，最直接讓遊客瞭解當地文化的媒介之一，從街頭藝人表演例子來看，能否將正確文化內涵傳達給社會大眾，是值得重視的議題。