朗聲四起

Tai-wan mashmarutaw a hudun Yu-shan, makurada hudun a thau tatata kawash kmalawa wa bzu panbalabalay tusha shaba rima makthin a tingting, sharaqian tatata wa kawash smuqum hudun a thau miaqulqul taniza kinai hudun a bzu mathuaw manasha munsai kunaur inithawan a numanuma mathuaw pararibuqan.

suma wa lhkaribush kmarkar bzu sisi mani lhkaribush a qnu,an kmaan tuamii, Yu-shan makarimusuz hudun taun a shirshir, makurada hudun a thau uka sa thanupin thaithay a thaqi tubu, isui bzu numa aniamin antu suruzin, thuini a kawash tanalhu furaz Yu-shan lhunqizi a taun pashfara thau mutantu hudun thmapuiza rima shaba wa tingting, isa hudun a bzu tatata wa kawash panbalabalay kmalawa tusha shaba rima makthin wa tingting pau-tul-pin su-qaa qlhup numa kakaanin, minqraiza numanuma lhkaribush amakilhim unqaan kakaanin minsasaziza mani.

mutal makurada mudadaan a saran taniza sa bzu, ya tu suma wa bzu thanup inai pruq miaqawan mashrima numa pasai aqur kmari, mindahip taniza wa thau ungqibi sa bzu mutanaraus miaqbitiza.

Zin-huu lhupish izai turu a kawash Yu-shan thinapuiza wa bzu kmanshihala tata tu-un, tata shaba mapadahidahip a thau panbalabalay mapapa makthin tata tingting a bzu mutanaraus, makurada hudun a huruy niza kmathu tu manaraus a kakaanin numa thanupin a thaqi, miarain mingqtha sa lhkaribush kmilhim kaanin masa mapakakakri numanuma, mimbabaw makurada hudun a huruy mutantuiza sa hudun numa malhintaz kmathu bzu mutanaraus hudun.

 

 

 

臺灣第一高峰－玉山，巡查員定期撿拾垃圾,數量還是驚人，亂丟果皮廚餘,破壞高山生態，也會吸引動物覓食造成嚴重影響，志工沿登山步道撿拾垃圾，把垃圾扛下山，再進行分類。

玉管處估計百萬人次的排遺，主峰線廁所超過負荷，還沒計算隨地便溺造成的汙染，玉山清出超過一公噸的垃圾，100人次平均每人揹負11公斤垃圾下山，未帶下山的食物及未掩埋的排遺，牽動野生動植物的覓食及互動模式，呼籲愛山入山的同時，要把垃圾帶下山。