朗聲四起

Kari ndaan pnsltudan qbheni ka nii, egu kari ndaan pnsltudan na qbheni ka Seediq ta ncbeyo duri mesa. Kari ndaan cbeyo cbeyo riyung ka nii, niqan ta kari ndaan pnsltudan na pucaq daha ka trabak, qnbhangan mu rudan alang we pneeru ku na ooda tyaqung ka yaku.

Niqan ka duma seediq smneeru kari ndaan tyaqung duri, so kari ndaan “Mimah qsiya ka tyaqung”. Mqeni ma mkmimah riyung qsiya ka tyakung ciida, ga rusuq truma qsiya ciida, nii bsiyaq lmngelung, huwa kesun ka mimah qsiya nii? Malu tunux ka tyakung nii, kika mosa lmamu btunux biciq, qquun na posa rusuq truma. Ini qbsiyaq de nii kndudul mkala rusuq nganguc ka qsiya, kiya wada mimah qsiya ka tyaqung di.

Ita Seediq de, netun so qmita tyaqung skiya, meyah muuyas uyas alang peni na, kiya pgyaun riyung rudan ta quri so nii. Netun qmita tyaqung de, ririh niqan ooda naqah mesa, kiya ini daha kuxi qmita tyaqung nii ka rudan ta ita Seediq. Kari rudan kesun daha tyaqung nii ge, cnughuur seediq de, haun mekan tyakung ka hei daha. kiya skrayan daha mesa ini puqi ka hei na tyaqung nii, ado mosa mekan hei na seediq cnughuur ka tyaqun nii. Kiya ga kdraun utux di ma mqalux ka quwaq na duri. Uxe qbheni malu kesun ka tyaqung nii, mgrebu mtbekuy meyah muuyas uyas cceka eluw paru alang de, nirih so mneeru mesa niqan seediq wada mgedang ka alang ta hini. Ani dehuk saya, qmita tyaqung Seediq alang ge, asi daha lwaqi dhenu.

Niqan ka kingal bbaro hari hnyegan na kesun daha trabak nii. Cbeyo we ini ktanah quwaq na trabak nii, kiya mmaha ku qmiyuc hido, ado mtanah ka quwaq mu mesa. Kika wada skiya qmiyuc hido, ani rabang, mnosa betaq siyo na hido ma ini na dheki qmiyuc ka hido. Ado mnosa msdaling ssiyo na hido, kiya mtanah hari quwaq na ka trabak nii.

Niqan ka kingal qbheni biciq hari hnyagan na kesun daha pucaq. Mesa ka pucaq, “Mmaha ku qmiyuc hido ka yaku duri, wada skiya qmiyuc hido ka pucaq, ma heya ka mnosa bale gmatuk hido di”. Gisu ciida, nii mtanah ka quwaq na di, ado biciq hnyegan na, ye kiya mgduwa ba skiya. Kiya kesun daha mnosa bale qmniyuc hido ka pucaq, nii ba srengo na rudan ta cbeyo duir.

遠古時期，賽德克有烏鶖與藍鵲的故事。烏鴉代表著不吉利。先人說如果有人自殺，烏鴉就去吃自殺者的屍體，烏鴉被Utux（神明）懲罰，牠們的嘴巴變黑色的。烏鴉成群結隊一早到部落中央唱歌時，就表示必有一人將死去。

從前藍鵲的嘴巴不是紅色的，後來牠去咬太陽，但並沒有到達那兒，所以牠的嘴巴只紅一點。另一隻烏鶖也去咬太陽，牠真的到了，而且咬到太陽，嘴巴就變紅了，先人說，烏鶖真的咬過太陽。