朗聲四起

Kndalax nyahan qmlahang Tanah Tunux ka rudan miyan Seediq di we, qnawan kesun daha ka “Dengwa”. Dengwa we kari Tanah Tunux ka kiya, qnawan we kari bnarah rudan miyan Seediq. Ani si laqi saya de, Tenhwa kesun daha ka dheya, ado kari Telu ka “Tenhwa” nii.

Malux daha kesun qnawan ka Tenhwa rudan miyan ncbeyo? Asi ka pheyu eruc ma blebil qnawan ka ooda eluw na, kika qnawan kari taxa di ma, mbahang kari na taxa ga icin dhenu. Qmlahang yami Seediq ka Tanah Tunux cbeyo si we, niqan dengwa kana knkingal hasuso alang, kika mkela mesa hmaduc kari ka qnawan nii rudan miyan cbeyo, kiya qnawan kesun daha ka dengwa nii di

Saya de, rmabang mgduwa ka Koci di, niqan kesun “Qnawan dsdesun”. Qnawan dsdesun nii ge, ani ini blebil qnawan, ani meniq alang bukuy rcilung theya, bhangun ta hiya kari taxa mnugeriq qnawan migin ita. Rmabang ba knmalu na qnawan dsdesun seediq saya, ini pntena so qnawan blbilan ta sapah, anu niqan so terebi qqtaan, Tennaw ddooyan laqi muuyas ma seediq mqeepah saya, niqan pssingan sasing duri. Lmlamu bale pndayo na seediq qnawan dsdesun nii. So pgkela bbrigan ma Tentong tthiqan lqlaqi, niqan so tmgesa sslhayan ani mmaanu duri.

Kika seediq saya di we, ini daha saani inu ka dmidil “Qnawan dsdesun” nii. Ani mekan ido, mosa psnganguc we ddilun daha, ani mtaqi keeman duri we psaun daha ssiyo ttqiyan daha. Paru ba pndyagan na ita seediq saya ka qnawan dsdesun nii. Ani si, wano kiya ka kliyun seediq saya di ma, ini telung ani maanu denu, kiya maha naqah nanaq dnoi daha qnawan dsdesun nii ka seediq saya mesa ku naq lmngelung ka yaku.

Qtai bino kini, ani mkkesa eluw, ani taapa basu, taapa Kawte ma ani mosa ani inu we, hboro riyung seediq ga mduku qmita qnawan dsdesun daha. Ini gdema bale wawa baga daha, so hari gaga smepu pila paru. Duri ge mpprengo qnawan dangi daha ma ga naq kmuutux mhhulis duma, ani mssiyo tleung ka mgkela we ini pprengo duri. Ngalun daha utux sntmaan ka qnawan dsdesun nii, bale ba we qyqeya ddooyan nanaq ka heya!

科技進步發明了「手機」。手機不必拉電話線，也收聽得到電話。今日的手機與家用電話不同，手機功能很多，可以觀看電視節目；可以拍照、線上購物，幫助處理各項鎖事；有電動遊戲可消遣，也可以上線學習知識和技藝。

現代人手機幾乎不離手，提供極大的服務。或許會因手機而荒廢了自己。不論在路上行走、搭乘公車、搭乘高鐵，很多人都低著頭使用手機。即使是熟識的人坐在一起也不交談，手機僅僅是一種工具罷了。